Alihatar ŭ amierykanskim štacie Fłoryda adkusiŭ pravuju ruku žančynie, jakaja znachodziłasia na pryčale. Pra heta ŭ subotu, 13 žniŭnia, paviedamlaje telekanał ABC News. Praź vialikuju stratu kryvi paciarpiełaja straciła prytomnaść i była dastaŭlenaja ŭ špital u krytyčnym stanie.
Incydent adbyŭsia ŭ rybackim pasiołku Uiłards ŭviečary 12 žniŭnia. «Žančyna stajała na pryčale i vypuściła banku ŭ vadu. Alihatar napaŭ, kali jana pasprabavała dastać banku», — paviedamiŭ telekanału pradstaŭnik šeryfa Majk Džešles.
Pavodle jaho, reptylija była daŭžynioj 1,5 mietra. Džešles dadaŭ, što žančyna praktyčna zastałasia całkam biez ruki.
14 červienia na terytoryi hatela ŭ parku zabaŭ Walt Disney World alihatar paciahnuŭ chłopčyka, jaki znachodziŭsia na bierazie zatoki. Baćka pasprabavaŭ vyratavać małoha, ale jamu heta nie ŭdałosia. Cieła chłopčyka było znojdziena praz sutki ŭ vadzie na adlehłaści 9—13 mietraŭ ad taho miesca, dzie toj źnik. Padčas pošukaŭ u parku zabaŭ byli zabityja čatyry reptylii. Cieły alihataraŭ, jakija dasiahali dvuch mietraŭ u daŭžyniu, ŭskryvalisia i vyvučalisia.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary