Rasijski śpiavak Aleh Hazmanaŭ paviedamiŭ u sacyjalnaj sietcy, što jaho nie puścili ŭ Litvu.
Pa słovach vykanaŭcy, jaho nie vypuścili z aeraporta ŭ Vilni, niahledziačy na najaŭnaść dziejučaj šenhienskaj vizy. «Ja ŭ Litvie ŭ aeraporcie Vilni. Niahledziačy na maju šenhienskuju vizu, dla jakoj u šenhienskaj zonie pa praviłach ES niama miežaŭ, mianie nie vypuskajuć z aeraporta (…)» — napisaŭ Hazmanaŭ u svaim Instagram.
Słužba achovy dziaržaŭnaj miažy paviedamiła, što Hazmanava nie ŭpuścili z aeraporta na terytoryju Litvy, bo jon uklučany ŭ śpis niepažadanych asob. Pa słovach supracoŭnikaŭ słužby, šenhienskaja viza ŭ pašparcie śpievaka była vydadziena Italijaj.
Słužba achovy kraju vykanała standartnuju ŭ takich vypadkach praceduru — rasijskamu vykanaŭcu ŭručyli składzienuju na miescy admovu ŭ dazvole na znachodžańnie ŭ krainie. Hazmanavu było dazvolena pieranačavać u hateli, jaki raźmieščany na terytoryi aeraporta. U čaćvier śpiavak vylecić u Maskvu.
Piersonaj non hrata ŭ Litvie 62-hadovy śpiavak ledź nie staŭ paśla skandalnaha vystupu ŭ Kramloŭskim pałacy: na kancercie ŭ honar Dnia Kanstytucyi Aleh Hazmanaŭ vykanaŭ svoj stary chit «Zrobleny ŭ SSSR».
Ciapier čytajuć
U Varšavu pryjechała sotnia biełaruskich palitviaźniaŭ10
Kamientary