«Łukašenka pryznačyŭ hetych žančyn, bo ličyć mienš niebiaśpiečnymi», — Statkievič vykazaŭsia pra vybary i kliča viečaram na płošču
Pavodle papiarednich vynikaŭ padliku hałasoŭ na parlamenckich vybarach, u Pałatu pradstaŭnikoŭ prachodziać dźvie deputatki, jakich nazyvajuć apazycyjnymi: Alena Anisim z TBM i Hanna Kanapackaja z AHP.
Kandydat u prezydenty na vybarach-2010, staršynia BSDP(H) Mikoła Statkievič kaža Svabodzie, što Łukašenka moh pryznačyć mienavita hetych žančyn, bo ličyć ich mienš niebiaśpiečnymi. Najpierš jon papraŭlaje: Anisim nia varta nazyvać «apazycyjanerkaj», bo Tavarystva biełaruskaj movy nia ličyć siabie apazycyjnaj arhanizacyjaj, ale niezaležnaj kulturnickaj hramadzkaj arhanizacyjaj.
«Budziem sumlennymi, kandydaty pryznačanyja, — zajaŭlaje Statkievič. — Heta mianiaje, palapšaje adnosiny z Zachadam. I biezumoŭna, hetaje pryznačeńnie było zroblenaje ŭ adkaz na patrabavańni Zachadu.
Jak i vyzvaleńnie hod tamu palitviaźniaŭ, heta śviedčyć ab narastajučaj słabaści biełaruskaha režymu, ab składanaj sytuacyi, u jakuju jon siabie zahnaŭ, i ab tym, što jon lichamankava šukaje vyjście».
Statkievič miarkuje, što ŭ Pałacie ciapier źjaviacca ludzi, jakija buduć ŭzdymać pytańni ab ekanamičnych reformach i biełaruskaj movie, choć heta i budzie składana. Ale ŭ zakanadaŭčym planie heta mała što mianiaje.
Plany na viečar nie mianiajucca: Płošča
Taksama vyniki CVK nie pamianiali planaŭ Mikoły Statkieviča na viečar: jon pa-raniejšamu kliča na Kastryčnickuju płošču ŭ Miensku 12 vieraśnia a 18-j hadzinie na akcyju «Patrabujem sapraŭdnych vybaraŭ». I dadaje: toje, što pryznačanyja dva niezaležnyja deputaty, śviedčyć, što ŭłady nie zacikaŭlenyja ŭ represijach.
«Vybaraŭ nie było — byŭ fars. Ja kazaŭ, što kali ŭładzie treba budzie mieć apazycyjaneraŭ u Pałacie, jana musić falsyfikavać vybary ŭ niejkaj častcy, — Statkievič paŭtaraje raniejšyja słovy. — Nam treba vybary, nia treba takoje pryznačeńnie, chaj jano nosić i stanoŭčyja momanty. Idzie niejkaja hulnia, jana ad słabaści, ale heta tolki hulnia.
Heta pakazvaje, što ŭłada paddajecca — i my pavinny zmahacca za sapraŭdnyja vybary. Ja dumaju, ekanamičny kryzis budzie narastać, i ŭ nastupnym hodzie mahčyma tak, što ŭ nas jość šancy damahčysia sapraŭdnych vybaraŭ. Jany paddajucca — treba cisnuć».
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary