Na ekstranym pasiadžeńni Rady biaśpieki AAN dziejańni Rasii ŭ Siryi nazvali varvarstvam
Na ekstranym pasiadžeńni Rady biaśpieki AAN ZŠA, Francyja i Vialikabrytanija rezka asudzili rasijskija dziejańni ŭ Siryi.
Pastajanny pradstaŭnik ZŠA pry AAN Samanta Paŭer na ekstranym pasiadžeńni Rady Biaśpieki AAN u niadzielu, 25 vieraśnia, nazvała dziejańni Rasii na terytoryi Siryi varvarstvam, a nie baraćboj z teraryzmam, paviedamlaje ahienctva Reuters.
«Zamiest adnaŭleńnia miru Rasija i siryjski prezident Bašar Asad viaduć vajnu. Całkam vidavočna, što adnabakovaje spynieńnie ahniu nie pracuje», — cytuje Deutsche Welle.
U adkaz pastajanny pradstaŭnik RF pry AAN Vital Čurkin zajaviŭ, što Rasija «nie źbirajecca nikomu ničoha dakazvać u adnabakovym paradku.» «Možna kazać pra reanimacyi pieramirja vyklučna na kalektyŭnaj asnovie», — skazaŭ jon. Pavodle jaho, u ciapierašniaj situacyi, jakaja skłałasia ŭ Siryi, Maskva čakaje dokazaŭ «ščyraha žadańnia» adździalić apazicyjanieraŭ, jakija supracoŭničajuć z amierykanskaj kaalicyjaj, ad terarystyčnaj hrupoŭki «Front-an-Nusra».
Paśla hetaha rasijski bok prapanuje «dabić» terarystaŭ, a apazicyjanieraŭ «zrabić častkaj palityčnaha pracesu» pryvodzić jaho słovy ahienctva «Interfaks». Pry hetym Čurkin dadaŭ, što mir u Siryi — heta «amal niemahčymaja zadača».
U toj ža čas śpiecpradstaŭnik AAN pa Siryi Stafan de Mistura vykazaŭ upeŭnienaść, što situacyju ŭ Siryi ŭsio jašče možna źmianić da lepšaha.
«Mienavita dziejańni Rasii padaŭžajuć kanflikt i pakuty»
Pa słovach pastajannaha pradstaŭnika Vialikabrytanii pry AAN Mećju Rajkrafta, sproby Złučanych Štataŭ i RF ŭstalavać režym pieramirja ŭ Siryi «ŭžo vielmi, vielmi blizkija da kanca svajho žyćciovaha cykłu» u suviazi z čym Rada biaśpieki AAN maje być «hatovaj vykanać svaje abaviazki» i znajści sposab nieadkładna spynić hvałt.
Na pasiadžeńni Rajkraft padkreśliŭ, što ŭ Alepa, jaki ciapier padviarhajeca bambardziroŭkam i abstrełam, šmatkroć parušajucca pryncypy mižnarodnaha prava. «Mienavita dziejańni Rasii padaŭžajuć kanflikt i pakuty», — zajaviŭ jon.
Francuzski pradstaŭnik Fransua Dełatr taksama padkreśliŭ, što ŭ abłožanym horadzie adbyvajucca vajennyja złačynstvy, jakija nie pavinny zastacca biespakaranymi. Rasija nie moža harantavać partnioram pieramirja i ŭ toj ža čas padtrymlivać režym, jaki bambić Alepa, skazaŭ jon.
«Rasija ryzykuje stać saŭdzielnicaj vajennych złačynstvaŭ»
Raniej u toj ža dzień kiraŭnik MZS Francyi zajaviŭ, što kali Rasija i Iran nie spyniać stratehiju, jakaja viadzie ŭ tupik, to stanuć saŭdzielnikami vajennych złačynstvaŭ, jakija adbyvajucca ŭ Alepa.
Ekstrannaje pasiadžeńnie Rady biaśpieki AAN było sklikana pa inicyjatyvie Francyi, Vialikabrytanii i ZŠA ŭ suviazi z abvastreńniem situacyi ŭ Alepa.
U vyniku udaraŭ pa Alepa dva miljony čałaviek zastalisia biez vodazabieśpiačeńnia.
Jak śćviardžajuć pradstaŭniki apazicyjnaj arhanizacyi «Siryjskaja naziralnaja rada pa pravach čałavieka» (SOHR), jakaja bazujecca ŭ Łondanie, u vyniku avijaŭdaraŭ pa Alepa za pieryjad z 19 vieraśnia zahinuli ŭžo bolš za 200 mirnych žycharoŭ.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary