Hałoŭny trenier zbornaj Anhlii pa futbole Sem Ełardajs syšoŭ sa svajoj pasady - praz dva miesiacy paśla pryznačeńnia. Raniej stała viadoma, što Futbolnaja asacyjacyja Anhlii (FA) pačała rasśledavańnie ŭ dačynieńni da Ełardajsa pavodle padazreńnia ŭ karupcyi.
U aficyjnaj zajavie asacyjacyi havorycca, što dziejańni Ełardajsa «byli nieprymalnymi» dla čałavieka, jaki ŭznačalvaje zbornuju. Skasavańnie kantraktu adbyłosia pavodle ŭzajemnaj zhody pamiž spartyŭnaj arhanizacyjaj i Ełardajsam, dadali ŭ asacyjacyi.
Kiravać nacyjanalnaj kamandaj Anhlii pa futbole na praciahu bližejšych čatyroch matčaŭ budzie Haret Saŭthiejt: padčas hulniaŭ z Maltaj, Słavienijaj, Šatłandyjaj i Ispanijaj.
61-hadovy Ełardajs zaniaŭ pasadu treniera zbornaj u lipieni. Jaho kantrakt byŭ zaklučany da 2018 hoda.
Skandał razhareŭsia, paśla taho jak hazieta Telegraph apublikavała videa, dzie Ełardajs razmaŭlaje z žurnalistami, jakija pradstavilisia jamu biźniesmienami. Na sustrečy jon zajaviŭ, što niama asablivaj prablemy ŭ tym, kab abychodzić zakanadaŭčyja abmiežavańni na tranśfier hulcoŭ. Pavodle jaho słoŭ, jon viedaje ahientaŭ, jakija pastajanna heta rabili.
Na videa jon taksama abmiarkoŭvaje atrymańnie 400 tysiač funtaŭ (519 tysiač dalaraŭ) za toje, kab jon byŭ klučavym śpikieram na mierapryjemstvach i vioŭ pieramovy ź inviestarami.
Reparciory śćviardžali, što zapis byŭ zrobleny ŭ žniŭni.
U zajavie Futbolnaj asacyjacyi Anhlii havorycca, što Ełardajs ŭśviadomiŭ svaju pamyłku i vybačyŭsia.
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła11
Kamientary