U Zialonym Łuzie na bierazie vadaschovišča pabudujuć ofisy, palikliniki i parkinhi
Čarhovy prajekt detalovaha płanavańnia terytoryi, jakuju vynieśli na sud hramadskaści, zakranie terytoryi ŭ Zialonym Łuzie: pierasiačeńnia Łahojskaha trakta i MKAD, a taksama vulic Karbyšava i Hamarnika. Hramadskaje abmierkavańnie prajekta zabudovy budzie prachodzić z 17 kastryčnika pa 10 listapada.
Terytoryja, na jakoj płanujuć budavać, znachodzicca kala Cnianskaha vadaschovišča. Prajekt architektary płanujuć realizavać u dva etapy. Da 2020 hoda budzie praviedzienaja rekanstrukcyja niefunkcyjanujučaha budynka dziciačaha sadu pa vuł. Mirašničenki, 41 pad administracyjny budynak, budaŭnictva dvuch paliklinik (darosłaj i dziciačaj), budaŭnictva abjektaŭ hramadskaha pryznačeńnia, budaŭnictva aŭtastajanak i šmatuzroŭnievych parkinhaŭ na terytoryi, jakaja prymykaje da MKAD.
Da 2030 hoda płanujuć pabudavać šmatuzroŭnievy parkinh ŭ raźviazcy MKAD-Łahojski trakt.
Pahladzieć schiemy i płany budaŭnictva možna na sajcie administracyi Pieršamajskaha rajona. A z 17 pa 31 kastryčnika jany buduć vystaŭlenyja ŭ faje siaredniaj škoły № 13 (vuł. Cikockaha, 57). Tam ža možna pakinuć svaje zaŭvahi i prapanovy.
Ich taksama možna nakiroŭvać z 1 pa 10 listapada 2016 hoda ŭ administracyju Pieršamajskaha rajona, kiravańnie architektury i budaŭnictva pa adrasie 220 012, Minsk, zav. K. Čornaha, 5, elektronny adras: [email protected], a taksama ŭ administracyju Savieckaha rajona, adździeł architektury i budaŭnictva pa adrasie 220 013, Minsk, vuł. Daraševiča, 8, elektronny adras: [email protected].
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary