Zapazyčanaść Biełarusi pa płaciažach za rasijski haz pieravyšaje 300 miljonaŭ dalaraŭ i pavinna być pahašana da 20 kastryčnika, paviedamiŭ vice-premjer RF Arkadź Dvarkovič.
«Zapazyčanaść, jakaja ŭźnikła pa płaciažach za haz u studzieni, budzie pahašana ŭ poŭnym abjomie da 20 kastryčnika hetaha hoda, jana składaje bolš za 300 miljonaŭ dalaraŭ», - skazaŭ Dvarkovič na naradzie premjer-ministra RF ź vice-premjerami ŭ paniadziełak.
«Paralelna my (ź biełaruskimi kalehami) damovilisia ab karekciroŭcy indykatyŭnaha bałansu pastavak nafty i naftapraduktaŭ z Rasii ŭ Biełaruś i ź Biełarusi ŭ Rasiju. A mienavita: viartańni paśla ŭrehulavańnia hazavych prablem da abjomaŭ pastavak da 24 miljonaŭ ton nafty ŭ Respubliku Biełaruś, jakoje jurydyčna abaviazvaje abjomy pastavak ź Biełarusi ŭ Rasiju naftapraduktaŭ u abjomie 1 miljona ton», - skazaŭ Dvarkovič na sustrečy premjer-ministra RF ź vice-premjerami.
Jon adznačyŭ, što jość peŭnyja niuansy pa režymie, abjomie i canie pierapracoŭki na biełaruskich zavodach. «Na hetuju temu budzie padrychtavana asobnaje pahadnieńnie pamiž ministerstvami enierhietyki dźviuch krain», - dadaŭ vice-premjer RF.
Kamientary