U kastryčniku 2016 hoda ŭ Rasii było zdabyta 47,386 młn ton nafty, što na 3,9% pieravyšaje vynik kastryčnika minułaha hoda, paviedamlaje RBK sa spasyłkaj na zvodku padviedamnaha Minenierha Centralnaha dyśpietčarskaha ŭpraŭleńnia paliŭna-enierhietyčnaha kompleksu (CDU PEK).
Siaredniesutačnaja zdabyča nafty pa vynikach kastryčnika pieravysiła 11,2 młn bar., što stała novym absalutnym rekordam dla postsavieckaj Rasii. Vyšej za adznaku ŭ 11 młn bar. sutačny abjom naftazdabyčy ŭ Rasii ŭpieršyniu z 1991 hoda padniaŭsia ŭ pačatku vieraśnia 2016 hoda.
Raniej analityki kampanii Goldman Sachs apublikavali prahnoz, pavodle jakoha siaredniasutačny abjom zdabyčy nafty ŭ Rasii pa vynikach 2016 hoda vyraście da 11,21 młn bar., na 1,35% pieravysiŭšy pakazčyk papiaredniaha hoda. Zhodna z prahnozam APIEK, abjom naftazdabyčy ŭ Rasii ŭ 2016 hodzie pavialičycca prykładna na 1,74%.
Pavodle taho ž prahnozu, u 2017 hodzie sutačny ŭzrovień naftazdabyčy ŭ Rasii vyraście da 11,41 młn bar., a da kanca 2018 hoda — da 11,65 młn bar. Takim čynam, u 2018 hodzie rasijskaja naftazdabyča moža pierasiahnuć najlepšy vynik savieckich naftavikoŭ: u najbolš paśpiachovym dla ich 1987 hodzie na radoviščach RSFSR zdabyvałasia pa 11,42 młn bar. u sutki.
U cełym za pieršyja dziesiać miesiacaŭ u Rasii zdabyli 454,116 miljona ton nafty i hazavaha kandensatu, što na 2,2% pieravyšaje pakazčyk studzienia-kastryčnika 2015 hoda. Pry hetym prykładna tracina ŭsioj zdabyčy navat biez uliku nabytaj u siaredzinie kastryčnika «Bašniefti» pryjšłosia na «Rośniefť» (157840000 ton, u tym liku 16,369 młn ton na kastryčniku).
Zdabyča nafty ŭ Rasii raście na fonie paviedamleńniaŭ pra hatoŭnaść uładaŭ krainy zamarozić jaje abjomy ŭ ramkach pahadnieńnia z Saudaŭskaj Aravijaj i inšymi krainami APIEK ab sumiesnych namahańniach pa adnaŭleńni bałansu na suśvietnym naftavym rynku.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary