Čysty prybytak bolšaści bankaŭ, jakija vałodajuć najbolšym pamieram aktyvaŭ, u studzieni—vieraśni 2016 hoda ŭ paraŭnańni z anałahičnym pieryjadam minułaha hoda źniziŭsia, śviedčać dadzienyja Nacbanka, abnarodavanyja 8 listapada.
Prybytak najbujniejšaha banka krainy «Biełarusbanka» ŭ studzieni—vieraśni skłaŭ 110,3 młn denaminavanych rubloŭ, skaraciŭšysia ŭ paraŭnańni z anałahičnym pieryjadam minułaha hoda na 16,7%, paviedamlaje BiełaPAN.
Dziaržaŭny «Biełahraprambank», druhi pa vieličyni aktyvaŭ bank krainy, zarabiŭ u studzieni—vieraśni 13,9 młn rubloŭ, što amal u try razy mienš za prybytak, atrymany za anałahičny pieryjad minułaha hoda.
Čysty prybytak dziaržaŭnaha «Bielinviestbanka» ŭ studzieni—vieraśni skłaŭ 6,8 młn rubloŭ — na 41,7% mienš u paraŭnańni z anałahičnym pieryjadam minułaha hoda. Taksama pamienšyŭsia (amal u 2 razy) čysty prybytak dziaržaŭnaha «Banka Maskva-Minsk».
Adziny dziaržaŭny bank, jakomu ŭdałosia pavialičyć prybytak, — «Parytetbank».
Čysty prybytak «Pryjorbanka» — banka z aŭstryjskim kapitałam — u studzieni—vieraśni skłaŭ 97,6 młn rubloŭ, pavialičyŭšysia ŭ paraŭnańni z anałahičnym pieryjadam minułaha hoda na 14%. «BPS-Aščadbank» zarabiŭ 15,8 młn rubloŭ — na 2,5% bolš.
U toj ža čas prybytak inšych bujnych kamiercyjnych bankaŭ z rasijskim kapitałam źniziŭsia. U «Banka BiełVEB» jon skłaŭ 46,5 młn rubloŭ, što na 3,5% mienš u paraŭnańni z anałahičnym pieryjadam minułaha hoda. Čysty prybytak «Biełhazprambanka» skłaŭ 76,7 młn rubloŭ — minus 0,9%.
Źnižeńnie dachodnaści bankaŭskaha biźniesu sioleta ekśpierty tłumačać rostam prablemnych aktyvaŭ, jakija patrabujuć stvareńnia dadatkovych reziervaŭ za košt prybytku.
Na 1 kastryčnika dola prablemnych aktyvaŭ skłała 14,3%, pavialičyŭšysia z pačatku hoda bolš čym u dva razy. U toj ža čas u vieraśni ŭpieršyniu paśla dziesiacimiesiačnaha rostu dola takich aktyvaŭ u bankaŭskaj sistemie pamienšyłasia na 0,5 pracentnaha punkta.
Ciapier čytajuć
U Pskovie rasijanin zabiŭ biełarusa Valeryja za toje, što toj patrabavaŭ pavažać biełaruskuju nacyju12
Kamientary