Mnohija rybaki dahetul łoviać sa śvincovym hruziłam. Ale śviniec mocna škodzić pryrodzie
Štohod tolki ŭ krainach ES praz rybackija snaści ŭ vadajomy traplaje 4800 ton śvincu. A hety mietał vielmi taksičny dla ekasistem, asabliva dla vodnych, piša telehram-kanał «Dzikaja pryroda pobač».
Śviniec vyklikaje vostraje i chraničnaje atručeńnie ŭ dzikich žyvioł i ludziej. Vadapłaŭnyja ptuški atručvajucca im, zahłynajučy stračanyja rybakami hruziły sa dna: jany prymajuć ich za kamieńčyki-hastrality, nieabchodnyja dla pracy straŭnika.
U Jeŭrapiejskim Sajuzie ŭ miežach rehłamientu REACH uviedziena zabarona na prodaž śvincovych rybałoŭnych hruziłaŭ i pryład.
U toj ža čas alternatyvy śvincu isnujuć i daŭno pracujuć u krainach, dzie śviniec zabaronieny:
- Valfram — hałoŭny i samy papularny zamieńnik. Jon navat ščylniejšy za śviniec, tamu hruziły atrymlivajucca bolš kampaktnymi — idealna dla fidara i śpininha.
- Stal i čyhun — biudžetny i ekałahičny varyjant.
- Vołava — vydatna padychodzić dla papłaŭkovaj łoŭli, lohka zaciskajecca na loscy.
- Łatuń i miedź — dobry bałans koštu, ščylnaści i biaśpieki.
- Kamień i halka — biaspłatny i biaśpiečny varyjant dla łoŭli karpa.
U Biełarusi samaja papularnaja alternatyva śvincu — valfram. Jaho možna znajści amal u kožnaj śpiecyjalizavanaj kramie i na markietpłejsach. U apošnich taksama možna znajści stalnyja, čyhunnyja i łatunnyja hruziły.
Kamientary