Ministram abarony ZŠA moža stać hienierał ź mianuškaj «Šalony sabaka»
Hienierał u adstaŭcy Džejms Mecis, jaki atrymaŭ u vojskach mianušku «Šalony sabaka», razhladajecca Donaldam Trampam jak mahčymy kandydat na pasadu kiraŭnika Pientahona, paviedamlaje Reuters.
«Jon vielmi ŭražvaje. Sapraŭdy hienieralski hienierał!» — napisaŭ pra sustreču z Mecisam Tramp u svaim tvitary.
Mecis zrabiŭ karjeru ŭ słavutym Korpusie marskoj piachoty i da viasny 2013 hoda ŭznačalvaŭ vojski ZŠA ŭ samych niebiaśpiečnych rehijonach — na Bližnim Uschodzie, Paŭnočnaj Afrycy i Centralnaj Azii.
Akramia mianuški «Šalony sabaka», ad sasłužboŭcaŭ hienierał atrymaŭ mianušku «Bajavy manach», bo na ŭsio žyćcio zastaŭsia kavaleram. Usio žyćcio Mecis pryśviaciŭ vajnie i vučobie - jaho pryvatnaja biblijateka składajecca z bolš čym 7000 knih.
U 2015 hodzie Mecis raskrytykavaŭ dziejańni Biełaha Doma va Ukrainie, nazvaŭ stan rečaŭ «stratehičnaj atrafijaj».
Dziejańni Rasii suprać jaje susiedziaŭ, pa słovach hienierała, «kudy bolš surjoznyja i niebiaśpiečnyja», čym dumajuć Vašynhton i Jeŭrasajuz.
Vieterany-marpiechi ŭ interniecie lubiać cytavać «mecizmy» — šmatlikija vykazvańni «Šalonaha sabaki», jaki demanstrujuć jahonuju ahresiŭnaść u bai, staŭleńnie da važnaści intelektualnaha rostu, vieru ŭ pieravahu chryścijanskaj kultury.
Naprykład:
- «Samy hałoŭny kalibr na poli boju — tyja 6 dziujmaŭ, jaki ŭ ciabie pamiž vušami».
- «Malu vas, nie źviazvajciesia z nami. U advarotnym vypadku tyja z vas, chto vyžyvie, buduć pisać pra toje, što my z vami zrobim, usie budučyja 10 000 hod».
- «Vy pajedziecie ŭ Afhanistan, tam mužyki na praciahu piaci hod bjuć žančyn za toje, što jany źniali čadru. U takich mužykoŭ niama mužnaści, tamu budzie vielmi viesieła stralać ich».
- «Budźcie vietlivymi, budzie prafiesijanalnymi, ale zaŭsiody trymajcie płan zabić usich, kaho vy sustreniecie».
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary