Zimovaje nadvorje vierniecca na nastupnym tydni

U piatnicu, 9 śniežnia, atmaśfiernyja franty, jakija źmiaščajucca z Zachodniaj Jeŭropy, pryniasuć na bolšuju častku terytoryi krainy apadki, u asnoŭnym doždž. Pa ŭschodzie krainy mahčymy słaby hałalod. Na asobnych učastkach daroh hałalodzica. Nočču i ranicaj u mnohich rajonach krainy zachavajecca paryvisty viecier. Tempieratura pavietra na praciahu sutak składzie ad nula da plus 5, dniom pa zachadzie krainy tempieratura pavysicca da 7 hradusaŭ ciapła.

«U bližejšyja vychodnyja nadvorje taksama buduć farmavać atmaśfiernyja franty, jakija źmiaščajucca z Zachodniaj Jeŭropy, čakajecca niaŭstojlivaje nadvorje», - adznačyła Śviatłana Rybakova.

U subotu, 10 śniežnia, na bolšaj častcy terytoryi krainy projduć karotkačasovyja apadki — mokry śnieh, doždž. Pa paŭnočnym uschodzie ŭ asobnych rajonach čakajecca słaby hałalod, na darohach hałalodzica. Tempieratura pavietra ŭnačy składzie minus 1 — plus 5, dniom budzie ad minus 1 pa paŭnočnym uschodzie da plus 7 pa paŭdniovym zachadzie.

U niadzielu, 11 śniežnia, atmaśfiernyja franty abumoviać na bolšaj častcy terytoryi krainy apadki — pa poŭnačy ŭ vyhladzie śniehu i mokraha śniehu, pa poŭdni ŭ asnoŭnym u vyhladzie daždžu. Tempieratura pavietra na praciahu sutak składzie minus 2 - plus 5, pa paŭnočnym uschodzie stanie chaładniej — tam tempieratura pavietra panizicca da 5 hradusaŭ marozu. U asobnych rajonach čakajecca słaby hałalod, na darohach hałalodzica.

«Na pačatku nastupnaha tydnia zachavajecca ŭpłyŭ frantalnych raździełaŭ, tempieraturny fon pačnie panižacca», - raspaviała Śviatłana Rybakova.

U paniadziełak, 12 śniežnia, na bolšaj častcy terytoryi projdzie śnieh, mokry śnieh. Čakajecca słaby hałalod, na asobnych učastkach daroh hałalodzica. Tempieratura pavietra na praciahu sutak składzie ad minus 4 da plus 3, nočču pa paŭnočnym uschodzie pry prajaśnieńniach pavietra astudzicca da minus 9.

U aŭtorak i sieradu, 13 i 14 śniežnia, nadvorje abumović vobłaść pavyšanaha cisku i chałodnyja pavietranyja masy, jakija źmiaščajucca z poŭnačy Jeŭropy. Znoŭ ŭstalujecca zimovy charaktar nadvorja. U asobnych rajonach projdzie karotkačasovy śnieh, na darohach budzie hałalodzica.

Tempieratura pavietra ŭnačy składzie minus 4- minus 11, pry prajaśnieńniach pavietra astudzicca da minus 15. Dniom budzie nie vyšej 2-9 hradusaŭ marozu.

• 0
• 0
• 0
• 0
• 0
• 0
• 0
• 0