Chutkasny ciahnik «Stryž» pačaŭ kursavać pamiž Maskvoj i Bierlinam praź Minsk
Pieršy chutki ciahnik «Stryž» Maskva—Bierlin prybyŭ učora na stancyju Minsk-Pasažyrski. Jaho sustreli pradstaŭniki hałoŭnych čyhunačnych kampanij Biełarusi i Rasii i ispanskaj kampanii Patentes Talgo sl, čyje technałohii dazvolili pieraadolvać adlehłaść pamiž dźviuma stalicami chutčej na 4-5 hadzin, piša BiełTA.
Asablivaść novaha ciahnika ŭ tym, što jon zdolny pierachodzić z vuzkakalejnaj čyhunki na šyrokakalejnuju i nazad bieź źmieny vahonnych cialežak. U 2015 hodzie na stancyi «Brest» była abstalavanaja śpiecyjalnaja pryłada dla propusku takich ciahnikoŭ typu Talgo. Heta dazvoliła skaracić čas pierachodu na inšuju kalainu da 30 chvilin, kali astatnim ciahnikam treba kala 2 hadzin.
Pieršy «Stryž» prybyŭ na stancyju Minsk-Pasažyrski ŭ 20.55 i prabyŭ na pieronie kala 14 chvilin. Z hałoŭnaha čyhunačnaha vakzała biełaruskaj stalicy ŭ Zachodniuju Jeŭropu adpraviłasia 18 pasažyraŭ.
Ciahnik «Stryž» (Swift) Rasijskaj čyhunki budzie pieraadolvać adlehłaść ad Maskvy da Bierlina za 20 hadzin 14 chvilin. Nazad jon dabiarecca da Maskvy za 20 hadzin 35 chvilin. Raniej na šlach sychodziła 24 hadziny 49 chvilin i 25 hadzin 56 chvilin adpaviedna. «Stryž» budzie kursiravać 2 razy ŭ tydzień. Z Maskvy jon budzie adpraŭlacca pa subotach i niadzielach u 13.05 i prybyvać na stancyju Bierlin Ostbanchof u 07.19 nastupnych sutak (pa miascovym časie). U šlachu ruchu pa Biełarusi ciahnik budzie rabić try prypynki: u Oršy (prybyćcio — 18.32), Minsku (prybyćcio — 20.55) i Breście (prybyćcio — 00.24).
Ź Bierlina ciahnik budzie adpraŭlacca pa niadzielach i paniadziełkach u 18.50 (pa miascovym časie). Na zvarotnym šlachu ŭ Brest jon prybudzie ŭ 05.38 nastupnych sutak, u Minsk — u 9.12, a ŭ Oršu-u 11.43. Na Kurski vakzał Maskvy ciahnik prybudzie ŭ 17.25. Bolš padrabiazna z raskładam ruchu ciahnika možna aznajomicca ŭ čyhunačnych kasach i pa telefonach daviedačnych słužbaŭ, a taksama na sajcie Biełaruskaj čyhunki.
Ciapier čytajuć
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram7
U Mahilovie adbyłosia šeście da miesca masavych represij 1930‑ch — ź ikonaj rasijskaha cara i impierskim trykałoram
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary