U Maładziečanskim rajonie, niedaloka ad vioski Kapačy, na ŭźviadzieńni śvinahadoŭčaha kompleksu 27 śniežnia vialikim zadnim kołam ad traktara śmiarotna traŭmavany 23-hadovy rabočy, ślesar minskaha pradpryjemstva.
Pravierku pa fakcie niaščasnaha vypadku na vytvorčaści pačaŭ Maładziečanski rajonny adździeł Śledčaha kamiteta (RASK). Staršy śledčy RASK Juryj Bahuševič raskazaŭ Kraj.baj:
— Koła pryvieźli na hruzaviku dla ŭstanoŭki na katku. Napieradzie ŭ hetaj mašyny mietaličny valik, zzadu — vialikija koły, jak u traktara MTZ. Napiaredadni adno ź ich było prabita. Pryvieźli novaje. Pavodle papiarednich dadzienych, ślesar na kuzavie hruzavika zastrapaliŭ koła krukami trosa manipulatara i źlez na ziamlu prymać hruz. Manipulataram padniali koła z kuzava, stali pieramiaščać. U hety momant jano sarvałasia z krukoŭ i ŭpała na ślesara.
Pa słovach Juryja Bahuševiča, paciarpieły pamior na miescy ad šmatlikich pierałomaŭ kostak škileta z paškodžańniem unutranych orhanaŭ.
Małady čałaviek žyŭ u Zasłaŭi ŭ internacie ad hetaha pradpryjemstva. Charaktaryzavaŭsia stanoŭča. Nie žanaty, dziaciej niama. Pavodle papiarednich vynikaŭ ekśpiertyzy, ałkaholu ŭ arhaniźmie zahinułaha nie vyjaŭlena.
Kamientary