Minzdaroŭja vyznačyła hrafik pracy ŭstanoŭ achovy zdaroŭja ŭ śviatočnyja dni
U pieryjad navahodnich i kaladnych śviataŭ ustanovy achovy zdaroŭja ŭ vychadnyja i śviatočnyja dni ŭ studzieni 2017 hoda buduć pracavać pa źmienienym hrafiku, paviedamlaje Ministerstva achovy zdaroŭja.
U pryvatnaści, praca balničnych ustanoŭ achovy zdaroŭja budzie arhanizavana nastupnym čynam: 1 i 7 studzienia — pa hrafiku pracy ŭ śviatočny dzień; 2 studzienia — pa hrafiku rabočaha dnia; 21 studzienia — pa subotnim hrafiku.
Akramia taho, palikliniki, sanitarna-epidemijałahičnyja ŭstanovy achovy zdaroŭja, apteki, arhanizacyi pieralivańnia kryvi, miedycynskaj techniki i inšyja buduć pracavać: 1 i 7 studzienia pa hrafiku raboty ŭ śviatočny dzień; 2 studzienia — pa hrafiku raboty ŭ subotu, 21 studzienia — u režymie pracoŭnaha dnia.
U vychadnyja i śviatočnyja dni ambułatorna-palikliničnyja ŭstanovy, pryjomnyja adździaleńni balnic, traŭmatałahičnyja punkty, adździaleńni intensiŭnaj terapii i reanimacyi buduć uzmocnienyja najbolš kvalifikavanymi śpiecyjalistami, havorycca ŭ paviedamleńni Ministerstva achovy zdaroŭja. Akramia hetaha, ź liku kirujučaha składu arhanizujuć administracyjnyja dziažurstvy va ŭpraŭleńniach achovy zdaroŭja abłvykankamaŭ, hałoŭnym upraŭleńni achovy zdaroŭja Minabłvykankama, kamitecie pa achovie zdaroŭja Minharvykankama, a taksama padparadkavanych arhanizacyjach achovy zdaroŭja i doma.
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie7
Kamientary