Мінздароўя вызначыла графік працы ўстаноў аховы здароўя ў святочныя дні
У перыяд навагодніх і калядных святаў установы аховы здароўя ў выхадныя і святочныя дні ў студзені 2017 года будуць працаваць па змененым графіку, паведамляе Міністэрства аховы здароўя.
У прыватнасці, праца бальнічных устаноў аховы здароўя будзе арганізавана наступным чынам: 1 і 7 студзеня — па графіку працы ў святочны дзень; 2 студзеня — па графіку рабочага дня; 21 студзеня — па суботнім графіку.
Акрамя таго, паліклінікі, санітарна-эпідэміялагічныя ўстановы аховы здароўя, аптэкі, арганізацыі пералівання крыві, медыцынскай тэхнікі і іншыя будуць працаваць: 1 і 7 студзеня па графіку работы ў святочны дзень; 2 студзеня — па графіку работы ў суботу, 21 студзеня — у рэжыме працоўнага дня.
У выхадныя і святочныя дні амбулаторна-паліклінічныя ўстановы, прыёмныя аддзяленні бальніц, траўматалагічныя пункты, аддзяленні інтэнсіўнай тэрапіі і рэанімацыі будуць узмоцненыя найбольш кваліфікаванымі спецыялістамі, гаворыцца ў паведамленні Міністэрства аховы здароўя. Акрамя гэтага, з ліку кіруючага складу арганізуюць адміністрацыйныя дзяжурствы ва ўпраўленнях аховы здароўя аблвыканкамаў, галоўным упраўленні аховы здароўя Мінаблвыканкама, камітэце па ахове здароўя Мінгарвыканкама, а таксама падпарадкаваных арганізацыях аховы здароўя і дома.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну15
Каментары