Trahiedyja adbyłasia ŭ vioscy Kopani Čavuskaha rajona Mahiloŭskaj vobłaści.
U Mahiloŭskim abłasnym upraŭleńni MNS paviedamili, što infarmacyja ab vyjaŭleńni cieła 79-hadovaha piensijaniera va ŭłasnym domie pastupiła ŭ ekstrannyja słužby 9 studzienia kala 17:00.
Sa słoŭ miascovych žycharoŭ, jany nie bačyli susieda z 4 studzienia i źviarnulisia ŭ Čavuski RAUS. Paśla hetaha dom, dzie mužčyna pražyvaŭ adzin, byŭ uskryty supracoŭnikami milicyi.
Jak vyśvietliła sudova-miedycynskaja ekśpiertyza, pryčynaj śmierci piensijaniera stała pieraachaładžeńnie.
Takim čynam, ad chaładoŭ u Mahiloŭskaj vobłaści zahinuła ŭžo try čałavieki.
Kamientary