Трагедыя адбылася ў вёсцы Копані Чавускага раёна Магілёўскай вобласці.
У Магілёўскім абласным упраўленні МНС паведамілі, што інфармацыя аб выяўленні цела 79-гадовага пенсіянера ва ўласным доме паступіла ў экстранныя службы 9 студзеня каля 17:00.
Са слоў мясцовых жыхароў, яны не бачылі суседа з 4 студзеня і звярнуліся ў Чавускі РАУС. Пасля гэтага дом, дзе мужчына пражываў адзін, быў ускрыты супрацоўнікамі міліцыі.
Як высветліла судова-медыцынская экспертыза, прычынай смерці пенсіянера стала пераахаладжэнне.
Такім чынам, ад халадоў у Магілёўскай вобласці загінула ўжо тры чалавекі.
Каментары