Bušujuć «Basy»

18-19 lipienia adbyvajecca mehafest svabodnaje biełaruskaje muzyki. U Šenhien-zonie, pad Haradkom, na Biełastoččynie. Ale vy ŭpieršyniu možacie toje adčuć na adlehłaści. Bo «Biełsat» pačaŭ viaščańnie praz satelit «Syryjus-4». I viaščańnie pačałosia z žyvych efiraŭ z «Basovišča».

«Basovišča» — heta festyval biełaruskaje rok-muzyki. U ciapierašniaj Biełarusi jon niemahčymy. Prachodzić jon — užo 19-y raz — na Biełastoččynie. Kali miastečka Haradok, va ŭročyščy Boryk.

Tudy źjaždžajecca ŭsia biełaruskaja moładź z Polščy i chto moža prabicca — ź Biełarusi.

Razynka kožnaha «Basovišča» — konkurs maładych kamandaŭ. Vakoł jaho z kožnym hodam usio bolej sprečak. U svoj čas jon adkryŭ narodu «Ulis», «Novaje nieba», «Maŭzeraŭ». Kaho sioleta?

Heta SAPRAŬDNY rok-fest. Narod adciahvajecca chto jak. Vializnyja pačućci prabudžaje mahčymaść pravieści noč pierad lasnoj scenaj, u poŭnaj svabodzie, pad bieł-čyrvona-biełymi ściahami.

Tam niemahčymaje mahčyma.

Muzyka byvaje roznaju, hod na hod nie papadaje. Ale duch, zruch, chvala - harantavanyja.

Vy ŭpieršyniu možacie toje adčuć na adlehłaści. Bo «Biełsat» pačaŭ viaščańnie praz satelit «Syryjus-4». I viaščańnie pačałosia z žyvych efiraŭ z «Basovišča».

* * *

Paviedamlaje pres-słužba Biełsat TV

Testavy sihnał pieršaha niezaležnaha biełaruskaha spadarožnikavaha telekanału byŭ dastupny praz «Syryjus-4» užo ad 8 lipienia. Adnačasova «Biełsat» zastajecca na spadarožniku «Astra».

Žyvyja ŭklučeńni z festu «Basovišča», jaki prachodzić va ŭročyščy Boryk, što niepadalok ad miastečka Haradok pad Biełastokam, pačnucca siońnia.

Štohadzinu Volha Daniševič u žyvym efiry budzie hutaryć z udzielnikami dy arhanizatarami fiestyvalu. A padčas infarmacyjnaj pieradačy «Abjektyŭ» kala 18.00 i 21.00 repartažy z «Basoŭ» praviadzie Alina Koŭšyk.

19 lipienia ŭ žyvym efiry – vystupy łaŭreataŭ fiestyvalu i zornaha hurtu «Neuro Dubel». Efir pačniecca a 22.10 i praciahniecca da 23.40.

Kancert buduć vieści lider hurtu «IQ-48» Alaksandr Rakaviec i viadoŭca «Biełsatu» Volha Daniševič.

Fiestyval muzyki maładoj Biełarusi «Basovišča» ładzicca voś užo 19-ty raz Biełaruskaju asacyjacyjaj studentaŭ u Polščy (BAS). Sioleta «Biełsat» dapamahaje ŭ arhanizacyi fiestyvalu. Biełarusy ŭpieršyniu pabačać vystupy ŭdzielnikaŭ u žyvym efiry.

U suviazi z pašyreńniem tranślacyi na «Siryus» «Biełsat» źmianiaje prahramu. Da siońnia pieradačy išli ŭ efir u trochhadzinnym błoku, jaki paŭtaraŭsia adzin raz. Ciapier na «Biełsacie» adzin šaścihadzinny błok.

Prahrama fiestyvalu Basovišča 2008

PIATNICA 18.07.08

16.00 Adkryćcio Festyvalu

Ściana (BY)

Krama (BY)

konkursnaja častka

SOK (BY)

5set5 (Pl)

Troica (BY)

i Drug Moi Gruzovik (UA)

WZ Orkiestra (BY)

01.30 Zona Dj (namiot festyvalu)

SUBOTA 19.07.08

13.00 Prajekcyi filmaŭ prajektu Filmowe Podlasie Atakuje! a taksama biełaruskaha niezaležnaha kino „A ty staryk kudy” + kancert Ilo&friends (namiot festyvalu)

16.45 Adkryćcio druhoha dnia Festyvalu

Zatoczka (BY)

Gate (PL)

Rachis (BY)

Schody (PL)

Rima (PL)

Abviaščeńnie vynikaŭ/pačatak žyvoj tranślacyi na telekanale Biełsat

Prezentacyja laŭreataŭ

Neuro Dubel (BY)

Pomidor/OFF (BY)

Dick4Dick (PL)

IQ 48 (BY)

02.00 Zaviaršeńnie festyvalu

Paramietry Biełsata na Siryusie:

PAZICYJA 5° E, PALARYZACYJA H, ČASTATA 12 379,6 MHC

• 0
• 0
• 0
• 0
• 0
• 0
• 0
• 0