Błohier: Albo ŭ Administracyi prezidenta nie prajšli papiarednija skaračeńni, albo jaje nie skarociać sioleta
Ukaz Łukašenki ab čarhovym skaračeńni svajoj administracyi sparadziŭ vialikija sumnievy, piša błohier d-zholik.
Abhruntavanyja padazreńni vyklikaje pracent mierkavanaha skaračeńnia i kančatkovaja kolkaść rabotnikaŭ prezidenckaj administracyi. Čatyry hady tamu (u 2013-m), pa aficyjnych paviedamleńniach, jaje štatnaja kolkaść užo nibyta padviarhałasia skaračeńniu na 25%. Adnak dakładna paćvierdzić hetuju ličbu było niemahčyma pa pryčynie taho, što admysłovym ukazam Alaksandra Łukašenki kolkaść usich padnačalenych jamu dziaržaŭnych orhanaŭ razam była adniesiena da źviestak abmiežavanaha raspaŭsiudu. Usio źviałosia da hałasłoŭnych zajaŭ na najvyšejšym uzroŭni, paśla čaho było całkam realnaje kratnaje pavieličeńnie akładaŭ kirujučych rabotnikaŭ na ŭsich uzroŭniach dziaržaŭnaha kiravańnia.
Da zasakrečvańnia ŭ lipieni 2013 hoda štatnaja kolkaść administracyi biełaruskaha prezidenta składała 176 adzinak.
U pačatku hetaha miesiaca kiraŭnik administracyi Natalla Kačanava zajaviła pra novuju mierkavanuju aptymizacyju kolkaści viedamstva jašče na 30%. Praz tydzień rušyŭ uśled ŭkaz Łukašenki, jakim kolkaść rabotnikaŭ jaho administracyi była ŭstalavanaja na ŭzroŭni — 118 adzinak, u tym liku dziaržaŭnych słužačych — 108 adzinak.
Z hetaha vynikaje, što albo ŭ Administracyi prezidenta, nasupierak aficyjnym zajavam, nie prajšli skaračeńni ŭ 2013 hodzie, albo jaje nie skarociać sioleta. Bo pry ŭmovie realnaha skaračeńnia čatyrochhadovaj daŭniny (-44) i ciapierašniaha (-40) kolkaść administracyi Łukašenki na 1 maja 2017 hoda pavinna była b składać usiaho — 92 čynoŭniki. Adnak ža ŭ realnaści jana budzie na 30% vyšejšaj za raźlikovuju ličbu.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni24
Kamientary