Bolš za 110 čałaviek zahinuli na praciahu dvuch dzion u paŭdniovaj častcy Samali ad hoładu, vyklikanaha zasuchaj.
«Heta składanaja situacyja dla žyviołavodaŭ i svojskaj žyvioły. Ludzi taksama pakutujuć ad hoładu i dyjarei. Na praciahu apošnich 48 hadzin u rehijonie Baj zahinuli 110 čałaviek», — zajaviŭ premjer-ministr krainy Chasan Ali Chajre.
«Urad Samali zrobić usio mahčymaje, kab vyratavać ludziej, i my zaklikajem hramadzian krainy dapamahčy pamirajučym samalijcam», — dadaŭ jon.
Asašyejted Pres adznačaje, što ŭłady ŭpieršyniu paviedamili infarmacyju pa zahinułych u krainie z taho momantu, jak u aŭtorak abviaścili ab nacyjanalnaj katastrofie.
Pavodle acenak AAN, kala 5 miljonaŭ žycharoŭ Afrykanskaha Roha majuć patrebu ŭ dapamozie na fonie hoładu.
U 2011 hodzie z-za hoładu ŭ Samali zahinuli 260 tysiač čałaviek.
Kamientary