Biełarusy ŭ minułym hodzie atrymali 12,7 miljona mižnarodnych paštovych adpraŭleńniaŭ, paviedamili finance.tut.by ŭ DMK. Pry hetym košt 1% pasyłak, jakija fizičnyja asoby atrymali ŭ 2016 hodzie z-za miažy, pieravysiŭ limity 22 jeŭra.
— Čaściej za ŭsio pieravyšeńnie normy adbyvajecca za košt pastupleńnia niekalkich pasyłak u ich adras na praciahu kalandarnaha miesiaca. U asnoŭnym naličeńnie sum mytnych pošlin, padatkaŭ rabiłasia mytnymi orhanami na padstavie źviestak ab košcie tavaraŭ, nazvanymi adpraŭnikom u dakumientach, jakija supravadžajuć mižnarodnych paštovych adpraŭleńniaŭ, — rastłumačyli ŭ DMK.
U minułym hodzie prykładna 1,6% ad ahulnaj kolkaści pasyłak z-za miažy, jakija pryjšli fizičnym asobam, viarnuli da adpraŭnika z-za ich admovy atrymlivać «banderoli».
Pry hetym kala 145 tysiač biełarusaŭ atrymali ŭ minułym hodzie bolš za 10 pasyłak z-za miažy.
Bolš za ŭsio pasyłak biełarusam prychodzić napiaredadni i paśla śviataŭ, a taksama bujnych rasprodažaŭ, jakija ładziać zamiežnyja internet-kramy, udakładnili ŭ DMK.
- Pastupleńnie pasyłak u Biełaruś napramuju zaležyć ad kolkaści pakupak, jakija ździajśniajucca hramadzianami našaj krainy ŭ zamiežnych internet-kramach, - adznačajuć u DMK.
Pry hetym u viedamstvie nie viaduć statystyku, kolki pasyłak biełarusy atrymali kankretna z zamiežnych internet-mahazinaŭ.
Z 14 krasavika minułaha hoda biełarusy atrymlivajuć zamiežnyja pasyłki dla asabistaha karystańnia pa novych praviłach: maksimalnaja suma zamovy ŭ adzin miesiac abmiežavanaja 22 jeŭra i 10 kiłahramami (niezaležna ad kolkaści pakupak). Za ŭsio, što bolš limitu, treba płacić 30% z sumy pieravyšeńnia. U Rasii taksama mohuć źnizić limity na zamiežnyja pasyłki.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary