Redaktar «SB» Pavieł Jakubovič vybačyŭsia pierad apazicyjnym aktyvistam Leanidam Kułakovym
Hałoŭny redaktar haziety Administracyi prezidenta «Sovietskaja Biełoruśsija» Pavieł Jakubovič zaprasiŭ na sustreču taksista, aktyvista nacyjanalnaha ruchu Leanida Kułakova.
Spadar Kułakoŭ nie pieršy miesiac sprabuje abskardzić administracyjnaje rašeńnie za aryšt na 3 sutak u dzień parłamienckich vybaraŭ 11 vieraśnia 2016 hoda. Spadar Leanid byŭ adnym z naziralnikaŭ ad kampanii «Prava vybaru» pa 108-aj Kalinoŭskaj vybarčaj akruzie.
Paśla zakryćcia vybarčaha ŭčastku Kułakoŭ sieŭ na łavu padjeści, jak u chutkim časie da jaho padbiehła milicyja, zatrymali, praviarali na ŭžyvańnie ałkahola, ale ŭsio pakazvała pa nulach. Tym nie mienš, heta nie pieraškodziła na sajcie HUUS źmiaścić materyjał, što ŭ kryvi Kułakova było 1 pramile ałkaholu.
U chutkim časie ŭ «SB» vyjšła publikacyja «Kiepskaja historyja», dzie pierakazvajecca historyja z ałkaholem. Sudzili ž Kułakova pa artykule 23.4 «Supraciŭ milicyi», a nie za raśpićcio ałkahola.
«Pavieł Jakubovič pryznaŭ, što publikacyja na sajcie HUUS była falsifikacyjaj. Spačatku jany pisali pra 1 pramile, potym papravili na 0,5. Ale ž ja byŭ całkam ćviarozy! Zhadziŭsia, što brać infarmacyju bieź pierapravierki niebiaśpiečna. Była abvieščana vymova žurnalistu, što pisaŭ hetuju natatku», — raskazaŭ «NN» Leanid Kułakoŭ.
Pavieł Jakubovič paprasiŭ prabačeńni za hetuju publikacyju, a taksama paabiacaŭ źmiaścić piśmovaje abviaržeńnie. «Ja paprasiŭ nievialikuju materyjalnuju kampiensacyju — padpisku na hod na «Narodnuju volu». Na što redaktar prapanavaŭ mnie napisać list u redakcyju ab situacyi, a na hanarar zrabić, što zachaču».
Ahułam sustreča Leanida Kułakova i Paŭła Jakuboviča doŭžyłasia kala 3 hadzin. Vielmi šmat razmaŭlali pra Kurapaty. «Redaktar «SB» pryznaje, što heta miesca represij. I kožny musić skinucca pa kapiejcy na pamiatny znak u hetym miescy», — raskazaŭ Kułakoŭ.
Kamientary