Pozna ŭviečary ŭ dvary domu № 8 pa vulicy Charkaŭskaj razdalisia vuścišnyja kryki.
Pozna ŭviečary ŭ dvary domu № 8 pa vulicy Charkaŭskaj u Miensku
«Pačuŭšy šum za vaknom, ja vybiehła na vulicu, — raskazvaje žycharka domu Alena Budnik. — Hladžu, haryć naša altanka, a ludzi vyciahvajuć z hetaha vohnišča niejkaha chłopčyka. Chtości pa mabilnym vyklikaje milicyju. Litaralna praź niekalki chvilin padjechali mašyny chutkaj dapamohi j pažarnych.
Jašče da prybyćcia specpadraździaleńniaŭ žychary vyciahnuli z połymia 17‑hadovaha padletka, adzieńnie na im litaralna abvuhliłasia. Chutkaja dapamoha zabrała jaho z apiokami 1‑j i 3‑j stupieni: u chłopca ad hałavy da halonak praktyčna na 70 adsotkaŭ zhareła skura.
Milicejski narad 8‑j roty pałka patrulna‑pastavoj słužby zatrymaŭ padpalščykaŭ.
— Usio pačałosia z taho, što 53‑hadovy žychar domu, u stanie alkaholnaha apjanieńnia, u litaralnym sensie słova vypaŭz z svajoj kvatery ŭ dvor, — uznaŭlaje padziei staršy śledčy śledčaha adździełu papiaredniaha raśśledavańnia Frunzenskaha RUUS Vital Miatłuška. — Što jamu nie spadabałasia ŭ pavodzinach padletkaŭ — jon i sam patłumačyć nia moža. Pavodle słoŭ chłocaŭ, jakija ŭ adroźnieńni ad bujana byli ćviarozyja, jon staŭ na ich łajacca j zajaviŭ, što zaraz spalić altanku. U hety čas mima prachodziŭ jahony 22‑hadovy susied, taksama napadpitku. Toj padchapiŭ ideju j skazaŭ, što ŭ jaho ŭ chlavie jość dvuchlitrovaja plaška z benzynam.
Pakul mienšy vypivocha biehaŭ za «palivam», starejšy staŭ u prajomie adzinaha vychadu z altanki j nie vypuskaŭ adtul šaścioch padletkaŭ 17‑18 hadoŭ, spamiž jakich była dziaŭčyna. Pryniesienym benzynam byli ščodra palityja jak altanka, tak i maładziony, jakija da apošniaha momantu nia vieryli, što pahrozy realnyja. Adnak tyja, adstupiŭšy na niekalki krokaŭ, spakojna dastali zapałki…
Altanka šuhanuła j padletki z krykam kinulisia ŭpročki. Adzin ź ich začapiŭsia j pavaliŭsia prosta ŭ połymia na draŭlanyja belki. Darečy, paciarpieły — žychar Sankt‑Pieciarburhu, jaki pryjechaŭ na leta pahaściavać u mienskich svajakoŭ.
Pakul kryminalnaja sprava ŭsčataja pavodle artykułu «Naŭmysnaje źniščeńnie ci paškodžańnie majomaści, jakoje paciahnuła ciažkija nastupstvy», a padpalščyki znachodziacca ŭ Žodzinskim śledčym izalatary.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary