Na čałavieka padśviadoma ŭpłyvaje vaha ludziej, jakija jaho atačajuć, i tamu tłustyja ludzi mohuć stać pryčynaj lišnich kilahramaŭ u svaich siabrukoŭ, śćviardžajuć navukoŭcy.
Hrupa daśledčykaŭ z roznych krain nazvała hetuju źjavu «imitacyjnym atłuścieńniem».
Pa vynikach daśledavańnia 27 tysiač eŭrapiejcaŭ, navukoŭcy pryjšli da vysnovy, što rost vypadkaŭ atłuścieńnia varta razhladać jak sacyjalahičny, a nie fizyjalahičny fenomen. Na dumku daśledčykaŭ, spracoŭvaje toje, što čałaviek mižvoli paraŭnoŭvaje siabie ź inšymi ludźmi pry tym, što ŭjaŭleńni pra normu źmianilisia j praciahvajuć mianiacca.
Adnak dyrektar Nacyjanalnaj arhanizacyi pa vyvučeńni atłuścieńnia Devid Chasłam bačyć inšuju zaležnaść:
«Kali vas atačajuć ludzi z zališniaj vahoj — chaj to siabry ci členy siamji — heta značyć, što vy znachodziciesia ŭ adnym i tym ža asiarodździ, u jakim, chutčej za ŭsio, vy jaścio šmat taho, čaho jeści nia śled».
Kamientary