Dziciačy fiestyval «Biełaruskaja viasna'2017» adbyŭsia ŭ krasaviku ŭ Biełaruskim hramadska-relihijnym centry ŭ Taronta pry padtrymcy Zhurtavańnia biełarusaŭ Kanady i folk-hurtu «Javarovy ludzi».
Prahrama fiestyvalu składałasia ź dźviuch častak: dziciačy kancert i abrad hukańnia viasny z folk-hurtom «Javarovy ludzi».
U kancercie prymali ŭdzieł biełaruski dziciačy hurt (mastacki kiraŭnik Vijaleta Kavalova), škoła bałharskich tancaŭ i tradycyj «Ihranka» (kiraŭniki Kacia i Niedziałka Cilevy), vakalna-džazavaja studyja «Aktava Plus» (mastacki kiraŭnik Marharyta Ramko), a taksama byli i solnyja vystupy Safii Kot i Rady Zinčuk (śpievy), Paraskievy Asadčaj (flejta) i bliźniatak Paŭliny i Michaliny Kanaplanik (taniec).
Pierad pačatkam i ŭ pierapynku achvočyja rabili papiarovych ptušak, jakich zatym raźviešvali na kvitniejučaje dreva, imitujučy sapraŭdnych ptušak, kab paskoryć nadychod viasny. Dzietki atrymali i piečanych ź ciesta samarobnych ptušak ad Aleny Lavončanka.
Razam z hurtom «Javarovy ludzi» dzietki vadzili viasnovyja karahody i hulali ŭ biełaruskija narodnyja hulni, a taksama vučylisia tančyć baŭharskija tancy.
Biełaruskaja kuchnia była pradstaŭlena dranikami, desiertam «Mazurkaj Krochkaj»i žuravinavym morsam.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary