VPS ZŠA apublikavali videa, na jakim zafiksavany momant skidu i vybuchu «maci ŭsich bombaŭ» GBU-43 / B. Mother Of All Bombs — bekronim ad aryhinalnaha Massive Ordnance Air Blast — avijacyjny bojeprypas bujnoha kalibra.
Archiŭnyja kadry, źniatyja jašče ŭ 2003 hodzie ŭ chodzie vyprabavańniaŭ, byli vykładzienyja paśla taho, jak u Pientahonie zrabili spravazdaču ab užyvańni ŭ Afhanistanie zvyšmahutnaj fuhasnaj avijabomby suprać terarystaŭ «Isłamski dziaržavy».
Udar byŭ naniesieny ŭ pravincyi Nanharchar. Jak zajaviła amierykanskaje kamandavańnie, pry dapamozie GBU-43 vajennyja spadziavalisia źniščyć sistemu tunelaŭ i piačor, jakuju ŭžyvajuć bajeviki. Padrychtoŭka apieracyi zaniała niekalki miesiacaŭ. Ab vynikach bambardziroŭki pakul nie paviedamlajecca.
U 2003 hodzie GBU-43/B źjaŭlałasia samaj mahutnaj avijabombaj u śviecie. Siła vybuchu składaje 11 ton u traciłavym ekvivalencie, radyus paražeńnia — kala 140 mietraŭ, častkovyja razbureńni adbyvajucca na adlehłaści da 1,5 kiłamietra ad epicentra. Raniej heta zbroja dvojčy vypraboŭvałasia na palihonie, ale ni razu nie ŭžyvałasia ŭ bajavych umovach.
Kamientary