U Rasii chakieisty-amatary zhulali z kamandaj FSB. Ciapier hulcam šyjuć kryminałki za supraciŭ siłavikam
Amatary ź Birabidžana na lodzie pabilisia z supracoŭnikami FSB, zaraz u ich prablemy.
U rasijskim Birabidžanie na chakieistaŭ-amataraŭ zaviali kryminalnyja spravy z-za bojki na lodzie padčas chakiejnaha matča. Pabilisia jany ź miascovymi supracoŭnikami FSB.
U kamandzie «Tafhaj» vystupajuć pradprymalniki ź Jaŭrejskaj aŭtanomnaj vobłaści. Uviesnu ŭ Birabidžanie jany hulali suprać kamandy rehijanalnaha ŭpraŭleńnia FSB.
Matč vyjšaŭ bahatym na emocyi, nichto nie chacieŭ sastupać, u niejki momant, jak heta byvaje ŭ chakiei, sapierniki pačali bicca.
Chakieistaŭ, jakija pravinilisia, zvyčajna karajuć štrafnymi chvilinami abo, u krajnim vypadku, dyskvalifikacyjaj.
Ale na hety raz spartovym pakarańniem sprava nie abyšłasia, piša Baza.
Paśla matča pieciarych hulcoŭ «Tafhaja» aryštavali na 15 sutak i aštrafavali, a arhanizatary turniru paśpiašalisia abjavić ab dyskvalifikacyi chakieistaŭ.
Praz paru miesiacaŭ na pradprymalnikaŭ-chakieistaŭ raspačali kryminalnuju spravu ŭžo pa artykule 213 KK RF («Chulihanstva, ździejśnienaje hrupaj asobaŭ pa papiaredniaj zmovie, źviazanaje z supracivam pradstaŭniku ŭłady»). Sankcyja artykuła — ad štrafu da siami hadoŭ pazbaŭleńnia voli.
U troch hulcoŭ «Tafhaja» ŭziali padpiski ab niavyjeździe.
26 vieraśnia palicyja zatrymała pradprymalnika Jaŭhiena Pataskujeva i jašče adnaho chakieista kamandy. Śledstva prosić aryštavać pradprymalnikaŭ z-za najaŭnaści ŭ ich zahraničnych pašpartoŭ. Nahodaj dla takoj prośby stali aściarohi, što padazronyja mohuć pakinuć Rasiju i ŭciačy ad pravasudździa — Pataskujeŭ raniej nieadnarazova vyjazdžaŭ na praciahły termin u Tajłand.
30 vieraśnia ŭ Birabidžanie sud prymie rašeńnie ab miery strymańnia padazravanych.
Kali Kanapackaja stała całkam padkantrolnaja Łukašenku?16
Kamientary
Ci u Rasii zaraz kožny dzień - "Dień duraka"?