Va ŭkrainskaj carkvie źjaviłasia freska z Pucinym u piekle
U Čyrvanahradzie Lvoŭskaj vobłaści na ścianie adnaho z chramaŭ Ukrainskaj hreka-katalickaj carkvy stvaryli fresku, dzie simvolika nacysckaha i kamunistyčnaha režymaŭ haryć u piekle.
Fresku, jakaja pakazvaje Strašny sud, adkryli na Vialikdzień.
Nieŭzabavie ludzi źviarnuli ŭvahu, što na vyjavie ŭ chramie śviatoha Ijasafata adzin z hrešnikaŭ vielmi nahadvaje sučasnaha rasijskaha prezidenta.
U svaju čarhu, nastajaciel chrama zajaviŭ, što na samaj spravie heta «zborny vobraz biurakrata i złačynca».
«Chtości bačyć, što heta Pucin, inšyja — što heta biurakrat, jaki abakraŭ krainu i nie bačyć Uvaskrasieńnie navat u apošnija dni. A jašče tam jość hierb SSSR i niamieckaja svastyka. Tam harać tyja, chto byŭ pryčynaj śloz, zabojstva, kryvi i śmierci. Chto tam, tam jość pa pravie», — skazaŭ ukrainskim žurnalistam nastajaciel carkvy ajciec Michaił.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam7
Kamientary