Šunievič: Budzie adna dziažurnaja słužba, jakaja harantuje biaśpieku i paradak u krainie
U Biełarusi budzie adna dziažurnaja słužba, jakaja harantuje biaśpieku i hramadski paradak u krainie, a kuryravać jaje budzie MUS. Pra heta TUT.BY raspavioŭ ministr unutranych spraŭ Ihar Šunievič.
«Schiematyčna, i heta aptymalnaja schiema, sistema hramadskaj biaśpieki budzie vyhladać tak: jość centr, u im skancentravany ŭsie dziažurnyja słužby orhanaŭ, jakija harantujuć hramadskuju biaśpieku i h.d. Tam znachodzicca dziažurnaja słužba MUS, dziažurnaja słužba MNS, chutkaja dapamoha, pamiežnyja vojski, kamitet dziaržbiaśpieki i inšyja viedamstvy», — raskazaŭ ministr.
Pa słovach kiraŭnika MUS, užo isnuje hłabalnaja sistema videamanitorynhu hramadskaj biaśpieki — videakamiery, sietka pieradačy dadzienych.
«Usio heta ściakajecca ŭ adzin centr, apieratary rehistrujuć roznyja pravaparušeńni, zdareńni i hetak dalej, i pieradajuć u adpaviednuju słužbu infarmacyju dla reahavańnia. Hetaja sistema prymianiajecca ŭ mnohich krainach, heta ekanomija sił i srodkaŭ, a efiektyŭnaść i chutkaść reahavańnia pavialičvajecca ŭ razy», — miarkuje Šunievič.
Jon taksama adznačyŭ, heta budzie adna dziažurnaja słužba, jakaja harantuje biaśpieku i hramadski paradak u krainie. Kuryravać jaje budzie MUS.
Adkazvajučy na pytańnie ab terminach uvodu, ministr skazaŭ, što «składana skazać, kali jana budzie ŭviedziena». «Ale ja dumaju, što na raspracoŭku i realizacyju spatrebicca ad dvuch da troch hadoŭ», — skazaŭ jon.
Ministr raspavioŭ, što siońnia bolš za 7 tysiač abjektaŭ asnaščany videakamierami: «Nam treba budzie ich u adnu sietku zacyklić, abstalavać novymi videakamierami tyja abjekty, jakija treba».
Z uviadzieńniem sistemy, ličyć ministr, nieabchodnaść u dadatkovych supracoŭnikach adpadzie.
Nahadajem, u sakaviku na naradzie ŭ prezidenta było pryniata rašeńnie ab stvareńni Respublikanskaj sistemy manitorynhu hramadskaj biaśpieki.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary