Шуневіч: Будзе адна дзяжурная служба, якая гарантуе бяспеку і парадак у краіне
У Беларусі будзе адна дзяжурная служба, якая гарантуе бяспеку і грамадскі парадак у краіне, а курыраваць яе будзе МУС. Пра гэта TUT.BY распавёў міністр унутраных спраў Ігар Шуневіч.
«Схематычна, і гэта аптымальная схема, сістэма грамадскай бяспекі будзе выглядаць так: ёсць цэнтр, у ім сканцэнтраваны ўсе дзяжурныя службы органаў, якія гарантуюць грамадскую бяспеку і г.д. Там знаходзіцца дзяжурная служба МУС, дзяжурная служба МНС, хуткая дапамога, памежныя войскі, камітэт дзяржбяспекі і іншыя ведамствы», — расказаў міністр.
Па словах кіраўніка МУС, ужо існуе глабальная сістэма відэаманіторынгу грамадскай бяспекі — відэакамеры, сетка перадачы дадзеных.
«Усё гэта сцякаецца ў адзін цэнтр, аператары рэгіструюць розныя правапарушэнні, здарэнні і гэтак далей, і перадаюць у адпаведную службу інфармацыю для рэагавання. Гэтая сістэма прымяняецца ў многіх краінах, гэта эканомія сіл і сродкаў, а эфектыўнасць і хуткасць рэагавання павялічваецца ў разы», — мяркуе Шуневіч.
Ён таксама адзначыў, гэта будзе адна дзяжурная служба, якая гарантуе бяспеку і грамадскі парадак у краіне. Курыраваць яе будзе МУС.
Адказваючы на пытанне аб тэрмінах уводу, міністр сказаў, што «складана сказаць, калі яна будзе ўведзена». «Але я думаю, што на распрацоўку і рэалізацыю спатрэбіцца ад двух да трох гадоў», — сказаў ён.
Міністр распавёў, што сёння больш за 7 тысяч аб'ектаў аснашчаны відэакамерамі: «Нам трэба будзе іх у адну сетку зацыкліць, абсталяваць новымі відэакамерамі тыя аб'екты, якія трэба».
З увядзеннем сістэмы, лічыць міністр, неабходнасць у дадатковых супрацоўніках адпадзе.
Нагадаем, у сакавіку на нарадзе ў прэзідэнта было прынята рашэнне аб стварэнні Рэспубліканскай сістэмы маніторынгу грамадскай бяспекі.
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары