Padčas pasiedžańnia Pałaty pradstaŭnikoŭ žurnalist «Našaj Nivy» spytaŭ u hałoŭnaha mytnika krainy — Juryja Siańko, ci vieryć jon u nievinavataść svaich byłych ašmianskich supracoŭnikaŭ.
«Śledstva i sud musiać dać abjektyŭnuju acenku lubomu dziejańniu, luboj słužbovaj asobie luboha viedamstva pavodle tych zakonaŭ, jakija dziejničajuć u Biełarusi. Ja jak kiraŭnik mytnaha viedamstva nie vałodaju poŭnaj infarmacyjaj pra toje, jakija dokazy sabrała śledstva. Tamu hetyja dokazy moža acanić tolki sud», — skazaŭ Juryj Siańko.
***
Sud nad mytnikami z Kamiennaha Łohu pačaŭsia 18 listapada. Viasnoj 2015 hoda niekalki dziasiatkaŭ supracoŭnikaŭ punkta propusku «Kamienny łoh» byli zatrymany. Hučali abvinavačańni ŭ karupcyi i chabarnictvie, arhanizacyi naładžanaj schiemy pa niaspłacie mytnych płaciažoŭ. Zatrymańni prajšli cicha — upieršyniu infarmacyja była ahučanaja tolki praź niekalki dzion Łukašenkam na sustrečy z kiraŭnictvam Dziaržaŭnaha mytnaha kamiteta. Nielehalny prybytak mytnikaŭ, zajaŭlaŭ Łukašenka, išoŭ na miljony dalaraŭ. Paźniej u KDB paviedamili, što pa miescy žycharstva ŭdzielnikaŭ hrupy kanfiskavali bolš za $2,2 miljona najaŭnymi.
Pačaŭsia praces pa hučnaj spravie «ašmianskich mytnikaŭ»
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary