Mierkavańnie pra toje, što ludzi mohuć mieć zališniuju vahu i pry hetym zastavacca całkam zdarovymi, niapravilnaja, havorycca ŭ novym daśledavańni navukoŭcaŭ z Univiersiteta Birminhiema, piša VVS.
Mif «toŭsty, ale ŭ dobraj formie» praduhledžvaje, što čałaviek z zališniaj vahoj moža ličycca zdarovym, kali ŭsie jaho mietabaličnyja pakazčyki, u pryvatnaści, kryviany cisk i ŭzrovień cukru ŭ kryvi, znachodziacca ŭ normie.
Navukoŭcy z Univiersiteta Birminhiema praanalizavali danyja 3,5 młn čałaviek za pieryjad z 1995 pa 2015 hod. Dla daśledavańnia jany ŭziali danyja ludziej z atłuścieńniem (indeks masy cieła bolš za 30), u jakich pieršapačatkova nie było ni sardečnych zachvorvańniaŭ, ni dyjabietu, ni pavyšanaha cisku, ni vysokaha ŭzroŭniu chalesterynu.
U vyniku daśledčyki zrabili vysnovu, što navat hetyja ludzi, u jakich pieršapačatkova nie było mietabaličnych anamalij, praź niekatory čas akazalisia bolš schilnymi da chvarob serca, čym ludzi z narmalnym vahoj.
«Sama pa sabie najaŭnaść zališniaj vahi padviarhaje vas padvyšanaj ryzycy atrymać sardečny prystup abo infarkt», — kaža Majk Neptan z Brytanskaj kardyjałahičnaj asacyjacyi.
Na dumku doktara Ryšy Kalejačeci z Univiersiteta Birminhiema, daktary pavinny raić toŭstym ludziam źnižać vahu niezaležna ad najaŭnaści abo adsutnaści mietabaličnych anamalij.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary