U novym navučalnym hodzie 90% škoł Minska buduć pačynać zaniatki ŭ 9 hadzin ranicy
Zaniatki z 9.00 buduć pačynacca ŭ 217 ustanovach ahulnaj siaredniaj adukacyi Minska, z 8.30 — u 22, z 8.00 — u 2. Pra heta, jak pieradaje ahienctva «Minsk-Naviny», paviedamiŭ na pašyranym pasiadžeńni prezidyuma Minharsavieta staršynia kamiteta pa adukacyi Minharvykankama Michaił Mirončyk.
Z 1 vieraśnia 2017 hoda ŭ Minsku prystupiać da navučalnaha pracesu 242 ustanovy ahulnaj siaredniaj adukacyi. 116 navučalnych ustanoŭ buduć pracavać u adnu źmienu, ź ich u 112 uroki pačnucca ŭ 9.00, u troch — u 8.30 (Minskaja dziaržaŭnaja himnazija kaledž-mastactvaŭ, SŠ № 127, himnazija № 43) i ŭ adnoj — u 8.00 (Minskaje haradskoje kadeckaje vučylišča №2).
- Čas pačatku zaniatkaŭ va ŭstanovach adukacyi, jakija pracujuć u dźvie źmieny, nastupny: u 105 škołach navučency buduć prychodzić da 9.00, — adznačyŭ kiraŭnik profilnaha kamiteta. — U 19 ustanovach Frunzienskaha rajona zvanok na pieršy ŭrok praźvinić ŭ 8.30. U 8 ranicy zaniatki navučency pačnuć tolki ŭ adnoj siaredniaj škole — №47 — u suviazi z arhanizacyjaj tut trenirovačnaha pracesu.
Čas pačatku zaniatkaŭ u škole-novabudoŭli № 41 budzie vyznačana zychodziačy z kolkaści navučencaŭ.
***
Nahadajem, 12 maja Łukašenka daručyŭ pierahledzieć hrafik pracy škoł. «Raniej 9 ranicy ŭroki pačynać nie treba», — zajaviŭ Łukašenka. Paśla hetaha ŭ mnohich škołach zadumalisia ab novym hrafiku pracy z 1 vieraśnia. Navučalnyja ŭstanovy, jakija pracujuć u dźvie źmieny, razhladajuć varyjant pačynać zaniatki ŭ 8.30 abo 9.00, jakija pracujuć u adnu źmienu - z 9.00. U tych škołach, dzie zaniatki buduć pačynacca ŭ 9 ranicy, dla zručnaści baćkoŭ, jakim rana na pracu, škoły buduć adkryty z 8 hadzin. Piedahohi buduć hladzieć za dziećmi da pačatku urokaŭ. Taksama razhladajecca mahčymaść skaračeńnia školnych pieramienaŭ.
26 maja Alaksandr Łukašenka raskazaŭ pra reakcyju na pieranos pačatku zaniatkaŭ na 9.00 jaho małodšaha syna Mikałaja: «Ranicaj adno mierkavańnie ja ŭžo atrymaŭ: ty nie toje robiš, nie treba ŭ 9 hadzin. Jak baćki dziaciej paviazuć? Heta ž nie syn prezidenta jedzie».
Kamientary