Dziaržsakratar ZŠA Reks Tylersan zajaviŭ, što ZŠA nie chočuć źviazvać pracesy ŭrehulavańnia situacyi va Ukrainie vyklučna ramkami Minskich pahadnieńniaŭ, paviedamlaje TASS.
Vystupajučy na słuchańniach u kamitecie pa zamiežnych spravach pałaty pradstaŭnikoŭ kanhresa ZŠA, jon dapuściŭ mahčymaść dasiahnuć vyrašeńnia kanfliktu pry niepasrednym udziele Maskvy i Kijeva, ale na asnovie damoŭlenaściej, alternatyŭnych tym, jakija byli zafiksavanyja ŭ Minsku.
«Vielmi mahčyma, što urad Ukrainy i ŭrad Rasii mohuć pryjści da zdavalniajučaha ŭrehulavańnia z dapamohaj niejkaj struktury, adroznaj ad «Minska», ale jakaja dasiahaje metaŭ, zakładzienych u «Minsku», jakim my addanyja, — skazaŭ šef amierykanskaj dypłamatyi. — Tamu maja pieraściaroha zaklučajecca ŭ tym, što ja b nie chacieŭ, kab my (ZŠA) prykoŭvali siabie da «Minska», kali vyjavicca, što baki vyrašać urehulavać prablemu z dapamohaj inšaha pahadnieńnia».
Pry hetym Tylersan padkreśliŭ, što amierykanskaja administracyja nie źbirajecca źmiakčać adnabakovyja sankcyi ŭ dačynieńni da Rasii da dasiahnieńnia metaŭ, zakładzienych u minskich damoŭlenaściach.
«Naš namier u hetym nie zaklučajecca. I my hetaha nie zrobim. Ja znoŭ kažu pra mety «Minska», — skazaŭ kiraŭnik Dziarždepa, adkazvajučy na vykazanuju adnym z zakanadaŭcaŭ aściarohu z nahody taho, što prezident Donald Tramp źmiakčyć antyrasijskija sankcyi da pieraadoleńnia kryzisu va Ukrainie.
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary