Kradziažy praduktaŭ u kramach usio čaściej traplajuć u zvodki milicejskich chronik. Na čarhovaje takoje złačynstva ŭ krasaviku pajšoŭ mužčyna, jaki ździejśniŭ rabavańnie ŭ Hrodnie ŭ kramie «Viktoryja».
Kala adzinaccataj hadziny ranicy mužčyna pryjšoŭ u kramu, padyšoŭ da praduktaŭ charčavańnia i pakłaŭ u košyk dva kavałki syru. Padazravany apynuŭsia ŭ ślapoj zonie kamier videanazirańnia i schavaŭ tavar. Ale jaho dziejańni zaŭvažyła supracoŭnica kramy. Jana paprasiła mužčynu spynicca, ale toj nie adreahavaŭ i pabieh da vychada. Pradaŭščyca nie razhubiłasia i ŭčapiłasia ŭ złačyncu, tak jon praciahnuŭ jaje pa padłozie niekalki mietraŭ, paviedamili va UUS Hrodzienskaha abłvykankama.
Kali vy paznali padazravanaha, prośba paviedamić pa telefonie: 8 (0152) 79-68-06; 79-68-54.
Kamientary