«Ja lublu maju krainu i maju babulu, ale tam majo žyćcio zanadta ciažkaje. Maja siamja tut», — kaža dziaŭčyna.
5 žniŭnia 16-hadovaja T.Kazyra razam z hrupaj biełaruskich dziaciej pavinna była vylecieć z San‑Francyska (ZŠA) u Minsk, adnak da pryznačanaha času jana nie prybyła ŭ aeraport. Paźniej stała viadoma, što dziaŭčyna padała ŭ imihracyjnuju słužbu dakumienty dla pradaŭžeńnia haściavoj vizy i zastajecca ŭ ZŠA, kab dačakacca rašeńnia ŭładaŭ.
U ZŠA byŭ kamandziravany supracoŭnik MZS Biełarusi Pavieł Šydłoŭski, jaki niekalki razoŭ sustrakaŭsia z T.Kazyraj na minułym tydni.
Pavodle infarmacyi amierykanskaj haziety The Press Democrat, biełaruski čynoŭnik prapanavaŭ dziaŭčyncy viarnucca na radzimu i skončyć škołu, a potym pasprabavać atrymać studenckuju vizu ŭ ZŠA.
«Jon skazaŭ, što heta adzinaja dla jaje mahčymaść viarnucca, ale jana admoviłasia. My padtrymajem luboje rašeńnie Tani», — cytuje vydańnie Debru Sapatu, u siamju jakoj T.Kazyra pryjazdžała dzieviać hadoŭ zapar.
«Ja lublu maju krainu i maju babulu, ale tam majo žyćcio zanadta ciažkaje. Maja siam\ja tut», — zajaviła T.Kazyra.
P.Šydłoŭski nazvaŭ rašeńnie dziaŭčynki i siamji Sapata niapravilnym.
«Jany pavinny dazvolić Taćcianie jak maha chutčej viarnucca ŭ Biełaruś da babuli, skončyć škołu i ŭsio zrabić zakonna», — zajaviŭ žurnalistam pradstaŭnik MZS Biełarusi.
U toj ža čas, zaznačaje The Press Democrat, svoj niespakoj hetaj situacyjaj vykazvajuć inšyja amierykanskija siemji, jakija ŭdzielničajuć u prahramach Chernobyl Children's Project. Jany zaniepakojeny rašeńniem Biełarusi prypynić usie prahramy azdaraŭleńnia biełaruskich dziaciej na terytoryi ZŠA i zaklikajuć T.Kazyru viarnucca na radzimu.
«Usio heta źjaŭlajecca vialikaj prablemaj dla prajekta. Dahetul tysiačy dziaciej pryjazdžali na adpačynak u ZŠA», — zajaviła aficyjny pradstaŭnik Chernobyl Children's Project Siesilija Kełchaŭn.
Advakat dziaŭčynki Krystafier Kieroski adchilaje ŭsie abvinavačańni ŭ adras siamji Sapata i T.Kazyry.
«Tysiačy amierykanskich dziaciej jeduć za miažu i tysiačy pryjazdžajuć u ZŠA ŭ ramkach prahram pa abmienie, — skazaŭ žurnalistam advakat. — Zdarajecca, što dzieci zastajucca. Ale heta nie pryvodzić da dypłamatyčnaha skandału. Čamu ž biełaruskija ŭłady tak reahujuć na ŭsio heta?»
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?20
Kamientary