«Я люблю маю краіну і маю бабулю, але там маё жыцьцё занадта цяжкае. Мая сям’я тут», — кажа дзяўчына.
5 жніўня 16-гадовая Т.Казыра разам з групай беларускіх дзяцей павінна была вылецець з Сан‑Францыска (ЗША) у Мінск, аднак да прызначанага часу яна не прыбыла ў аэрапорт. Пазней стала вядома, што дзяўчына падала ў іміграцыйную службу дакументы для прадаўжэння гасцявой візы і застаецца ў ЗША, каб дачакацца рашэння ўладаў.
У ЗША быў камандзіраваны супрацоўнік МЗС Беларусі Павел Шыдлоўскі, які некалькі разоў сустракаўся з Т.Казырай на мінулым тыдні.
Паводле інфармацыі амерыканскай газеты The Press Democrat, беларускі чыноўнік прапанаваў дзяўчынцы вярнуцца на радзіму і скончыць школу, а потым паспрабаваць атрымаць студэнцкую візу ў ЗША.
«Ён сказаў, што гэта адзіная для яе магчымасць вярнуцца, але яна адмовілася. Мы падтрымаем любое рашэнне Тані», — цытуе выданне Дэбру Сапату, у сям’ю якой Т.Казыра прыязджала дзевяць гадоў запар.
«Я люблю маю краіну і маю бабулю, але там маё жыццё занадта цяжкае. Мая сям\’я тут», — заявіла Т.Казыра.
П.Шыдлоўскі назваў рашэнне дзяўчынкі і сям’і Сапата няправільным.
«Яны павінны дазволіць Таццяне як мага хутчэй вярнуцца ў Беларусь да бабулі, скончыць школу і ўсё зрабіць законна», — заявіў журналістам прадстаўнік МЗС Беларусі.
У той жа час, зазначае The Press Democrat, свой неспакой гэтай сітуацыяй выказваюць іншыя амерыканскія сем’і, якія ўдзельнічаюць у праграмах Chernobyl Children’s Project. Яны занепакоены рашэннем Беларусі прыпыніць усе праграмы аздараўлення беларускіх дзяцей на тэрыторыі ЗША і заклікаюць Т.Казыру вярнуцца на радзіму.
«Усё гэта з’яўляецца вялікай праблемай для праекта. Дагэтуль тысячы дзяцей прыязджалі на адпачынак у ЗША», — заявіла афіцыйны прадстаўнік Chernobyl Children’s Project Сесілія Кэлхаўн.
Адвакат дзяўчынкі Крыстафер Кероскі адхіляе ўсе абвінавачанні ў адрас сям’і Сапата і Т.Казыры.
«Тысячы амерыканскіх дзяцей едуць за мяжу і тысячы прыязджаюць у ЗША ў рамках праграм па абмене, — сказаў журналістам адвакат. — Здараецца, што дзеці застаюцца. Але гэта не прыводзіць да дыпламатычнага скандалу. Чаму ж беларускія ўлады так рэагуюць на ўсё гэта?»
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары