Stvorany polietylen, jaki zdolny chutka raskładacca i nie zabrudžvać pryrodu
Zvyčajnyja polietylenavyja pakiety, jakija my štodzień biarem u kramach, raskładajucca ad 100 da 200 hod. Ale, mahčyma, u budučyni prablemy zabrudžvańnia našaj płaniety hetymi praduktami chimičnaj pramysłovaści nie budzie ŭźnikać. Bo, jak paviedamlaje vydańnie Journal of Polymers and the Environment, navukoŭcam z Rasijskaha ekanamičnaha ŭniviersiteta imia Plachanava atrymałasia stvaryć rečyva na asnovie polietylenu i raślinnych materyjałaŭ, jakoje chutka raskładajecca ŭ pryrodzie, nie zabrudžvajučy jaje.
Supracoŭniki ŭniviersiteta praviali šerah ekśpierymientaŭ pa raskładańni bijakampazitaŭ na asnovie polietylenu z roznymi raślinnymi napaŭnialnikami. U jakaści napaŭnialnika byŭ vykarystany vytvorčyja adkidy nakštałt łuskaŭ słaniečnika, sałomy, pšanicy, piłavińnia i hetak dalej. Pry asablivaj apracoŭcy hetych adchodaŭ i złučeńni z palimierami na vychadzie atrymlivajucca bijaraskładalnyja materyjały, jakija vałodajuć ŭłaścivaściami palimieraŭ.
«My navučylisia stvarać novy kłas materyjałaŭ — palimiernyja kampazicyjnyja materyjały z raślinnymi napaŭnialnikami. Našy materyjały dazvolać značna źnizić uzrovień zabrudžvańnia pryrody, pakolki my vykarystoŭvajem tannyja pramysłovyja adkidy, jakija składajuć ad 30 da 70% masy hatovaha kampazita. Košt hatovych materyjałaŭ atrymlivajecca na ŭzroŭni ci navat nižej za tradycyjnyja palimiery. Raboty pa atrymańni takich materyjałaŭ zaraz aktyŭna viaducca va ŭsim śviecie. U jakaści napaŭnialnikaŭ u ZŠA vykarystoŭvajuć kienaf, bavoŭnu, bananavyja vałokny, šałupińnie ad kavy; u Kitai — bambuk, u Indyi — džut, a ŭ Brazilii — ściebły cukrovaha tryśniahu. Ale hałoŭnaja zadača, jakaja staić pierad usimi navukoŭcami, — sumiaścić napaŭnialnik z palimiernaj matrycaj tak, kab atrymany materyjał vałodaŭ vysokimi miechaničnymi charaktarystykami», — raskazaŭ adzin z raspracoŭščykaŭ materyjału Piatro Panciuchoŭ.
-
Studyja ź minskimi karaniami vypuściła videahulniu pra Halivud. U jaje možna hulać pa-biełarusku
-
Navukoŭcy śćviardžajuć, što adkryli novy koler, jaki nichto raniej nie bačyŭ. Ale ŭbačyć jaho amal nierealna
-
Pierasyłka ryłsa ŭ instahramie moža vas vydać. Hetuju funkcyju nielha adklučyć, ale možna abaranić siabie — voś jak
Ciapier čytajuć
Milicyja prapanuje, kab amnistyja zakranuła amal usich asudžanych za narkotyki5
Milicyja prapanuje, kab amnistyja zakranuła amal usich asudžanych za narkotyki
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki77
Kamientary