Створаны поліэтылен, які здольны хутка раскладацца і не забруджваць прыроду
Звычайныя поліэтыленавыя пакеты, якія мы штодзень бярэм у крамах, раскладаюцца ад 100 да 200 год. Але, магчыма, у будучыні праблемы забруджвання нашай планеты гэтымі прадуктамі хімічнай прамысловасці не будзе ўзнікаць. Бо, як паведамляе выданне Journal of Polymers and the Environment, навукоўцам з Расійскага эканамічнага ўніверсітэта імя Пляханава атрымалася стварыць рэчыва на аснове поліэтылену і раслінных матэрыялаў, якое хутка раскладаецца ў прыродзе, не забруджваючы яе.
Супрацоўнікі ўніверсітэта правялі шэраг эксперыментаў па раскладанні біякампазітаў на аснове поліэтылену з рознымі расліннымі напаўняльнікамі. У якасці напаўняльніка быў выкарыстаны вытворчыя адкіды накшталт лускаў сланечніка, саломы, пшаніцы, пілавіння і гэтак далей. Пры асаблівай апрацоўцы гэтых адходаў і злучэнні з палімерамі на выхадзе атрымліваюцца біяраскладальныя матэрыялы, якія валодаюць ўласцівасцямі палімераў.
«Мы навучыліся ствараць новы клас матэрыялаў — палімерныя кампазіцыйныя матэрыялы з расліннымі напаўняльнікамі. Нашы матэрыялы дазволяць значна знізіць узровень забруджвання прыроды, паколькі мы выкарыстоўваем танныя прамысловыя адкіды, якія складаюць ад 30 да 70% масы гатовага кампазіта. Кошт гатовых матэрыялаў атрымліваецца на ўзроўні ці нават ніжэй за традыцыйныя палімеры. Работы па атрыманні такіх матэрыялаў зараз актыўна вядуцца ва ўсім свеце. У якасці напаўняльнікаў у ЗША выкарыстоўваюць кенаф, бавоўну, бананавыя валокны, шалупінне ад кавы; у Кітаі — бамбук, у Індыі — джут, а ў Бразіліі — сцеблы цукровага трыснягу. Але галоўная задача, якая стаіць перад усімі навукоўцамі, — сумясціць напаўняльнік з палімернай матрыцай так, каб атрыманы матэрыял валодаў высокімі механічнымі характарыстыкамі», — расказаў адзін з распрацоўшчыкаў матэрыялу Пятро Панцюхоў.
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары