Prajekt detalovaha płanavańnia zabudovy terytoryi ŭ miežach vulic Staravilenskaja — Kisialova — Kujbyšava — Kamunistyčnaja, jaki praduhledžvaje znos Asmałoŭki, nie pryniaty da zaćviardžeńnia, takoje rašeńnie pryniaŭ u piatnicu architekturna-horadabudaŭničy saviet pry hałoŭnym architektary Minska.
Na pieršym etapie — da 2020 hoda — prajekt praduhledžvaŭ budaŭnictva žyłoha doma ŭ rajonie vulicy Staravilenskaj. Na druhim etapie — paśla 2020 hoda - praduhledžvałasia zasvajeńnie terytoryj Asmałoŭki, znos dvuchpaviarchovych paślavajennych budynkaŭ i budaŭnictva na ich miescy novych damoŭ. Pa zadumcy architektaraŭ UP «Minskhrada» na miescy histaryčnych kvartałaŭ pavinny źjavicca piaci-šaścipaviarchovyja damy z handlova-administracyjnymi abjektami i padziemnymi parkinhami.
«Prajekt nie zaćvierdzili. Jany zaraz dumajuć nad farmuloŭkaj — ci budzie jon adchileny abo adpraŭleny na dapracoŭku, jak heta prapanoŭvaŭ hałoŭny architektar Łučynovič. Ale ŭ nas heta vyklikała pytańni», - skazaŭ miascovy žychar Asmałoŭki Andrej Ezieryn, jaki prysutničaŭ na saviecie.
Suprać rekamiendacyi prajekta da zaćviardžeńnia vykazalisia i pradstaŭniki administracyi Centralnaha rajona, jakija pravodzili hramadskaje abmierkavańnie prajekta, a taksama šerah čalcoŭ rady.
Prajekt vyklikaŭ burny pratest siarod miascovych žycharoŭ, a taksama aktyvistaŭ, jakija ličać, što pabudavanyja adrazu paśla vajny kvartały za Opiernym teatram ŭjaŭlajuć saboj historyka-kulturnuju kaštoŭnaść, źjaŭlajucca asablivym «atmaśfiernym» miescam i pavinny być zachavany. Suprać znosu Asmałoŭki za čas hramadskaha abmierkavańnia prajekta ŭ ahulnaj składanaści było sabrana kala dzieviaci tysiač podpisaŭ. Pry tym što ŭ samoj Asmałoŭcy, pa dadzienych prajekciroŭščykaŭ, pražyvaje mienš za dźvie tysiačy čałaviek.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj11
Kamientary