Adzin z samych viadomych udzielnikaŭ kaapieratyŭnaha ruchu ŭ SSSR pradprymalnik Arciom Tarasaŭ pamior u siabie doma ŭ Maskvie ad pnieŭmanii. Pra heta «Rasijskaj haziecie» paviedamili krynicy, jakija viedali biznesmena.
Kali jon zachvareŭ, to sprabavaŭ lačycca samastojna. Ale nie vyjšła. Siabar Arcioma Tarasava, jaki prynios jamu leki, vyjaviŭ, što pradprymalnik skanaŭ.
Arciom Tarasaŭ u 1989 hodzie staŭ viadomy jak pieršy saviecki lehalny miljanier. Jon atrymaŭ zarobak u try miljony rubloŭ ad svajho kaapieratyva «Technika». U tym ža hodzie jak vice-prezident Sajuza kaapierataraŭ prapanavaŭ vypuskać štotydniovuju hazietu - ź jaje paśla vyras VD «Kommiersant».
U 1991-93 hadach jon znachodziŭsia ŭ Łondanie, zatym viarnuŭsia ŭ Maskvu i znoŭ staŭ deputatam Dziaržaŭnaj dumy. Padavaŭ zajaŭku na ŭdzieł u prezidenckich vybarach u 1996 hodzie, adnak nie byŭ zarehistravany Centralnaj vybarčaj kamisijaj. Paśla hetaha znoŭ źjechaŭ u Łondan i viarnuŭsia adtul tolki ŭ 2003 hodzie. Letaś vyłučaŭsia ŭ deputaty Dziarždumy ad partyi «Jabłyk» u Krasnajarskim krai. U Tarasava byli roznyja kampanii - ad šlubnaha ahienctva i firmy pa ramoncie elektroniki da avijakampanii i cecha pa ahrancy ałmazaŭ.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary