Pradstaŭlenaja pryłada, jakaja dazvalaje karystacca smartfonam navat pry adsutnaści lubych sietak suviazi. Jak jana pracuje?
Nie tak daŭno kampanija Sonnet Labs z Taronta pradstaviła kamplekt pryład, jakija dajuć mahčymaść karystacca sietkami sotavaj suviazi navat u tym vypadku, kali takich pablizu nie nazirajecca, piša Hi-news.
Novaja pryłada ŭjaŭlaje saboj ličbavuju radyjostancyju, jakaja pracuje ŭ adnym z dyjapazonaŭ dalokaj radyjosuviazi. Pry hetym dla złučeńnia sa stancyjaj smartfonu navat nie patrebny Wi-Fi (choć i takaja mahčymaść praduhledžanaja), dastatkova padklučyć telefon kabielem da stancyi, i jon znoŭ nabudzie mahčymaść ździajśniać zvanki, a taksama pieradavać tekstavyja paviedamleńni, karcinki, videa i svaje kaardynaty GPS. Na «druhim kancy provada» znachodzicca jašče adzin mabilny telefon, padłučany da inšaj bazavaj radyjostancyi. Pry hetym za zachavanaść infarmacyi pieražyvać nie varta — dadzienyja šyfrujucca pry dapamozie ałharytmu AES.
Sistema Sonnet moža ŭklučacca aŭtamatyčna pry adsutnaści sihnału ad sotavaj sietki. Akramia taho, Sonnet možna vykarystoŭvać u roli punktu reziervovaj suviazi ŭ miescach stychijnych biedstvaŭ i inšych nadzvyčajnych situacyj. Pryłada moža pracavać i ŭ režymie retranślatara, pieradajučy dadzienyja pa łancužku ad adnoj bazy da inšaj, pakul ich nie atrymaje telefon z dostupam u sietku.
Dalokaść dziejańnia adnaho pieradatčyka składaje prykładna 5 kiłamietraŭ na adkrytaj miascovaści, 10 kiłamietraŭ na ŭzvyššy i kala 2 kiłamietraŭ va ŭmovach horada. Ubudavanaj batarei chapaje na sutki bieśpierapynnaj pracy devajsa.
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?15
Kamientary