Прадстаўленая прылада, якая дазваляе карыстацца смартфонам нават пры адсутнасці любых сетак сувязі. Як яна працуе?
Не так даўно кампанія Sonnet Labs з Таронта прадставіла камплект прылад, якія даюць магчымасць карыстацца сеткамі сотавай сувязі нават у тым выпадку, калі такіх паблізу не назіраецца, піша Hi-news.
Новая прылада ўяўляе сабой лічбавую радыёстанцыю, якая працуе ў адным з дыяпазонаў далёкай радыёсувязі. Пры гэтым для злучэння са станцыяй смартфону нават не патрэбны Wi-Fi (хоць і такая магчымасць прадугледжаная), дастаткова падключыць тэлефон кабелем да станцыі, і ён зноў набудзе магчымасць здзяйсняць званкі, а таксама перадаваць тэкставыя паведамленні, карцінкі, відэа і свае каардынаты GPS. На «другім канцы провада» знаходзіцца яшчэ адзін мабільны тэлефон, падлучаны да іншай базавай радыёстанцыі. Пры гэтым за захаванасць інфармацыі перажываць не варта — дадзеныя шыфруюцца пры дапамозе алгарытму AES.
Сістэма Sonnet можа ўключацца аўтаматычна пры адсутнасці сігналу ад сотавай сеткі. Акрамя таго, Sonnet можна выкарыстоўваць у ролі пункту рэзервовай сувязі ў месцах стыхійных бедстваў і іншых надзвычайных сітуацый. Прылада можа працаваць і ў рэжыме рэтранслятара, перадаючы дадзеныя па ланцужку ад адной базы да іншай, пакуль іх не атрымае тэлефон з доступам у сетку.
Далёкасць дзеяння аднаго перадатчыка складае прыкладна 5 кіламетраў на адкрытай мясцовасці, 10 кіламетраў на ўзвышшы і каля 2 кіламетраў ва ўмовах горада. Убудаванай батарэі хапае на суткі бесперапыннай працы дэвайса.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары