Palicyja Italii aryštavała 15 pažarnych-dobraachvotnikaŭ, jakija ŭčyniali lasnyja pažary na Sicylii dziela dadatkovaha zarobku, paviedamlajuć infarmahienctvy.
Paśla rasśledavańnia było vyjaŭlena, što ŭ 2015 hodzie hrupa pažarnych naŭmysna ŭčyniała padpały ŭ vakolicach horada Santa-Kroče-Kamieryn. Paśla jany vyjazdžali na miesca ŭzharańnia, pry hetym za hadzinu pracy im naležała 10 jeŭra.
Pažarnyja trapilisia paśla taho, jak ich načalstva źviarnuła ŭvahu na niebyvałuju kolkaść vyklikaŭ u paraŭnańni ź inšymi pažarnymi častkami.
Pakul nie ŭdakładniajecca, jakoje pakarańnie pahražaje pažarnym-padpalščykam. Jany źmieščanyja pad vartu i čakajuć rašeńnia suda.
Kamientary