Kandydat u deputaty ličyć tele- i radyjovystupy ŭcirańniem vačej vybarcam: «Za toj čas, jaki ja patraciŭ by na pajezdku ŭ Viciebsk, kab zapisacca na «Ładzie», jaki i tak nichto nie hladzić, ja lepš abydu 20—30 kvater».
Kandydat u deputaty, siabar partyi BNF Jarasłaŭ Biernikovič vyrašyŭ admovicca ad tele‑ i radyjovystupu, bo nia ličyć hety ahitacyjny srodak efektyŭnym.
Na dumku spadara Biernikoviča, mała chto z vybarcaŭ jahonaj Hłybockaj vybarčaj akruhi № 22 hladzić telekanał «Ład», i małavierahodna, kab chto‑niebudź ź miascovych žycharoŭ admysłova vyrašyŭ pahladzieć vystupy kandydataŭ u deputaty. Toje samaje, pavodle apazycyjanera, tyčycca i vystupu na radyjo: jon tranślujecca ŭ viečarovy čas, kali ludzi, pryjšoŭšy z pracy, zvyčajna robiać niešta ŭ harodzie.
Značna bolš efektyŭnym srodkam ahitacyi Jarasłaŭ Biernikovič ličyć niepasrednyja kantakty z vybarcami. Da hetaje vysnovy jaho padšturchnuli i mierkavańni ziemlakoŭ: akazvajecca, jany nikoli nie sustrakalisia sa staršyniom abłvykankamu Uładzimieram Andrejčankam, jaki taksama balatujecca ŭ hetaj akruzie, i navat blizka nie ŭjaŭlajuć, jak jon vyhladaje.
Pavodle apazycyjnaha kandydata, heta prosta niedarečna, kali ludziam prapanujuć kandydaturu amal nieviadomaha ŭ rehijonie čałavieka. Chacia, zdavałasia b, papularnaści staršyniu abłvykankamu musili dadać tyja ž publikacyi ŭ dziaržaŭnych hazetach, jakija raspačali «pijar» praŭładnaha kandydata jašče zadoŭha da pačatku ahitacyjnaj kampanii.
Uzvažyŭšy ŭsie hetyja akaličnaści, Jarasłaŭ Biernikovič vyrašyŭ achviaravać svoj efirny čas hałoŭnamu kankurentu, pra što j paviedamiŭ:
«Padčas zboru podpisaŭ ludzi pytalisia, dzie možna było b ubačyć Andrejčanku. A to viedać viedajuć, što jość taki, a nikoli nia bačyli, chacia toj užo šmat hod pracuje staršyniom abłvykankamu.
Publikacyi ŭ «Viciebskim rabočym», «Narodnym słovie» i «Vieśniku Hłyboččyny» nie dadali jamu paznavalnaści. Tamu ja vyrašyŭ prezentavać svoj efirny čas spadaru hubernataru. Za toj čas, jaki ja patraciŭ by na pajezdku ŭ Viciebsk, kab zapisacca na radyjo i telebačańni, ja lepš abydu 20—30 kvater, bo niepasredny kantakt z vybarcami — heta značna lepš za luby radyjo‑ i teleefir».
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary