Sud Pieršamajskaha rajona Viciebska 1 vieraśnia razhledzić administracyjnuju spravu ŭ dačynieńni da 35-hadovaj žančyny, jakaja stała hierainiaj rezanansnaha skandału ŭ adnoj z aptek horada.
Žančynu abvinavačvajuć u ździajśnieńni pravaparušeńniaŭ, praduhledžanych art. 9.3 (abraza) i art. 17.1 (drobnaje chulihanstva) KoAP Biełarusi.
9 žniŭnia Maryna Pajarkova pryjšła ŭ apteku z mopsam na pavadku i ŭčyniła skandał paśla taho, jak pravizar skazaŭ joj, što ŭvachod z žyviołami zabaronieny i absłuhoŭvać jaje nie buduć. Paśla hetaha jana zapatrabavała knihu skarhaŭ i pačała abražać zahadčyka apteki Maksima Samsonava.
U pryvatnaści, pakupnica skazała Samsonavu: «Žyvioła — heta ty. Brudnaja, śmiardziučaja žyvioła. Moj sabaka kaštuje daražej za ciabie». Naviedvalnica taksama pahražała zvalnieńniem zahadčyku, a jašče adnamu supracoŭniku apteki zajaviła, što jon nie vałodaje dastatkovymi prafiesijnymi viedami.
Incydent byŭ zapisany na kamieru videanazirańnia, raźmieščanuju ŭ aptecy. Maksim Samsonaŭ raźmiaściŭ jaje ŭ internecie. Adnak zajavu na žančynu jon nie pisaŭ. Pry hetym, pavodle jaho słoŭ, milicyja sama prajaviła inicyjatyvu i apytała jaho jak śviedku.
Maryna Pajarkova tłumačyła svoj učynak tym, što «była na niervach», bo jaje muž apiok nohi bietonam i mieŭ patrebu ŭ miedykamientach.
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary