Pavodle infarmacyi ahienctva Reuters, u Livii zabity syn Muamara Kadafi — Saif al-Isłam. Hetuju infarmacyju paćvierdzili krynicy, blizkija da jaho siamji, ułasny advakat Kadafi-małodšaha i livijskija ŚMI.
Sa źviestak saudaŭskaha telekanała «Al-Chadat», zabojstva adbyłosia na paŭnočnym zachadzie krainy, niedaloka ad horada Zintan. Paviedamlajecca, što čaćviora ŭzbrojenych ludziej pranikli ŭ sad 53‑hadovaha Saifa al-Isłama i zastrelili jaho. Dakładnyja matyvy i detali napadu pakul zastajucca nieviadomymi.
«Saif al-Isłam zahinuŭ jak pakutnik», — skazaŭ jahony stryječny brat Chamid Kadafi livijskamu spadarožnikavamu telekanału Al Ahrar, dadaŭšy, što siamja nie vałodaje bolš padrabiaznaj infarmacyjaj.
Saif al-Isłam Kadafi byŭ klučavoj fihuraj u atačeńni svajho baćki: jon nie tolki kuryravaŭ źniešniuju palityku, ale i vykonvaŭ samyja składanyja dypłamatyčnyja daručeńni.
U listapadzie 2011 hoda Saif al-Isłam Kadafi byŭ aryštavany na poŭdni Livii pa ordary Mižnarodnaha kryminalnaha suda. Praz čatyry hady jaho prysudzili da śmiarotnaha pakarańnia, ale zatym amnistavali. U 2021 hodzie Kadafi-małodšy abviaściŭ, što budzie bałatavacca na pasadu prezidenta Livii, ale vybary tady byli adkładzienyja na niavyznačany termin.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie23
Kamientary