Biełarusy pieramahli ŭ biehavym vykliku na 100 tysiač rubloŭ dla dziaciej

Biełarusy va ŭsim śviecie za 10 dzion prabiehli dziela dziaciej 114 971 km. Pryčym nieabchodny «statysiačnik» pieraadoleli zahadzia — u pieradapošni dzień sacyjalnaj akcyi «Vyklik za 100 000: velcombegom». Zhodna z umovami, velcom nakiravaŭ 100 tys. rubloŭ Respublikanskaj dziciačaj balnicy miedycynskaj reabilitacyi.

U siarednim biełarusy sumarna prabiahali pa 10 tys. km štodnia. Rekordnymi vydalisia apošnija vychodnyja, kali za dva dni ahulnaja «skarbonka» papoŭniłasia amal na 40 tys. km. Usiaho ž svaimi kiłamietrami padzialilisia bolš za 10 900 čałaviek. Pakul adny biehali sa smartfonam u adzinočku, inšyja asvojvali maršruty razam. Biehavyja ŭikendy prajšli ŭ Minsku, Breście, Hrodnie, Mahilovie, Baranavičach, Salihorsku, Barysavie i Astrašyckim Haradku.

Biehali dziela dziaciej nie tolki ŭ Biełarusi — dapamahali dzieciam i suajčyńniki amal u 20 krainach śvietu. U pryvatnaści, da sacyjalnaj akcyi dałučylisia biełarusy ŭ Kitai, ZŠA, Rasii, Hiermanii, Čarnahoryi, Polščy, Italii i Ispanii. Prabiežki taksama ładzili ŭ Čechii, Litvie, Małdovie, Armienii, Bałharyi, Partuhalii i Vieniesuele.

Bolšaść maršrutaŭ pralahała ŭ haradach. Niekatorych udzielnikaŭ natchnili malaŭničyja miescy: Niaśvižski zamak, Bresckaja krepaść, Biełaviežskaja pušča i Uralskija hory. Niezvyčajnym staŭ i startavy zabieh u parach «1+1» u staličnym parku Pieramohi, kali ŭsim achvotnym prapanavali pryjści z paraj abo znajści jaje na miescy.

Razam z usimi biehali i biełaruskija futbalisty. «Vyklik za 100 000: velcombegom» pryniali hulcy minskaha i bresckaha «Dynama», a taksama nacyjanalnaj zbornaj Biełarusi. Usie jany vykarystoŭvali trekiery padčas trenirovak, paśla čaho pieradali svaje kiłamietry ŭ dapamohu dzieciam. Pieraniali ich prykład i spartyŭnyja zaŭziatary.

Sabranyja 100 tys. rubloŭ velcom pryznačanyja dla patreb Respublikanskaj dziciačaj balnicy miedycynskaj reabilitacyi. Hienieralny dyrektar velcom Hielmut Duz pieradaŭ siertyfikat na rekordnuju dla biehavych inicyjatyŭ sumu hałoŭnamu doktaru ŭstanovy Halinie Radzivonavaj. Centr unikalny tym, što ŭ im prachodziać lačeńnie dzieci ź ciažkimi zachvorvańniami. Hrošy pojduć na nabyćcio novaha miedycynskaha abstalavańnia.

Sacyjalnaja akcyja prachodziła z 26 žniŭnia pa 4 vieraśnia. Kab zrabić svoj uniosak, treba było prabiehčy sa smartfonam i zafiksavać adlehłaść lubym fitnies-dadatkam. Vyniki ŭ vyhladzie skrynšota z ukazańniem daty i kiłamietražu prasili vykłaści ŭ sacsietki z chešteham #velcombegom abo #viełkombiehom. Uniosak kožnaha ŭdzielnika byŭ uličany, niezaležna ad taho, kolki jon prabieh.

Pramiežkavyja vyniki kožny dzień źjaŭlalisia na hihanckim ekranie «Čałaviek biažyć», jaki ŭstalavali na fasadzie velcom-centra. Na im možna było ŭbačyć, jakuju kolkaść kiłamietraŭ prabiehli biełarusy z momantu pačatku biehavoj kampanii.

«My ščyra ŭdziačnyja kožnamu, chto pryniaŭ «Vyklik za 100 000: velcombegom» i zrabiŭ svoj układ u ahulny pośpiech, — adznačyŭ hienieralny dyrektar kampanii velcom Hielmut Duz. — My ŭpeŭnienyja, što budučynia za dabračynnymi prajektami, jakija złučajuć namahańni biznesu i hramadstva. #velcombegom — jarki prykład takoha padychodu. Jon abjadnoŭvaje tysiačy ludziej dla dobrych spraŭ u dapamohu dzieciam, daje stymuł dla zaniatkaŭ sportam i ŭnosić značny ŭkład u raźvićcio biehavuju ruchu ŭ Biełarusi».

«Vyklik za 100 000: velcombegom» pravioŭ velcom pry padtrymcy Ministerstva achovy zdaroŭja. Sacyjalnaja inicyjatyva staviła metaj dapamahčy dzieciam i pavysić cikavaść da biehu i zdarovaha ładu žyćcia siarod nasielnictva. Respublikanskaja dziciačaja balnica miedycynskaj reabilitacyi, jakoj nakirujuć sabranyja srodki, ujaŭlaje saboj adziny ŭ krainie centr, dzie prachodziać adnaŭleńnie dzieci z hiemafilijaj, ankałohijaj i chvarobami nyrak.

• 0
• 0
• 0
• 0
• 0
• 0
• 0
• 0