Niamieckaje vydańnie «Die Welt» napisała pra jurydyčny analiz, praviedzieny ekśpiertami jurydyčnaj słužby Bundestaha, zhodna ź jakim urad Anhieły Mierkiel nie padaŭ zakonnych padstaŭ dla pryniaćcia rašeńnia ab adkryćci miežaŭ dla biežancaŭ.
Havorka idzie pra rašeńnie kanclera Mierkiel, jakoje było pryniataje ŭ 2015 hodzie i tyčacca adkryćcia miežaŭ dla mihrantaŭ. Ekśpierty śćviardžajuć, što rašeńni takoha rodu pavinien prymać parłamient, a zamiest hetaha Anhieła Mierkiel kansultavałasia pa hetym pytańni tolki ź niekalkimi ministrami, paviedamlaje Radyjo Polšča.
Svabodnaja demakratyčnaja partyja Hiermanii i partyja «Alternatyva dla Hiermanii» zajavili, što ŭ tym vypadku, kali jany ŭvojduć u parłamient, budzie stvoranaja parłamienckaja kamisija pa analizie mihracyjnaj palityki ciapierašniaha niamieckaha ŭrada.
Zhodna z sacapytańniami, 60% niemcaŭ choča, kab było ŭstanoŭlenaje abmiežavańnie na kolkaść mihrantaŭ. 71% apytanych padtrymlivaje ŭviadzieńnie bolš žorstkaha zakanadaŭstva pa pradastaŭleńni prytułku i mihracyi.
24 vieraśnia ŭ Hiermanii adbuducca parłamienckija vybary.
Drukujecca ŭ miežach śpiecyjalnaj rubryki «Naviny Hiermanii»
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary